Армен Бадалјан Ирәванда кечирдији мәтбуат конфрансында дејиб:
"Азәрбајҹанда һәгигәтән чох ҝөзәл баша дүшүрләр ки, Ермәнистан Гарабағдан әл чәксә дә, Русија әл чәкмәјәҹәк. Артыг Русијанын Гарабағда ики фактору вар: сүлһмәрамлы гүввәләр вә Рубен Варданјан".
Ермәни политтехнолога ҝөрә, бир мүддәт сонра һәрби саһәнин Араик Арутјунјанын нәзарәтиндән тамамилә чыхарылараг там шәкилдә Рубен Варданјаын әлинә кечмәси мүмкүндүр: “Башга сөзлә, Русија Гарабағын һәрби сферасыны Ермәнистанын нәзарәтиндән тамамилә чыхармаг истәјир, она ҝөрә дә Азәрбајҹан Рубен Варданјанын һакимијјәтдән узаглашдырылмасыны тәләб едир. Онлар баша дүшүрләр ки, Рубен Варданјан Гарабағ ермәниләринә Русијанын нәсә едәҹәјинә үмид верир.” Бадалјан билдириб.
Онун фикринҹә Украјнанын ресурслары демәк олар ки, түкәниб: “Һесабламалар вар ки, Русија бөјүк уғур газанаҹаг вә бу һалда һеч кәс ону Русијаны Гафгаздан чыхармаға ҹәһд белә, етмәјәҹәк. Она ҝөрә дә инди һәрәкәтләр белә сүрәтләниб”, - дејә Бадалјан вурғулајыб.
"Ведмина изба – 2 "ЈоуТубе" каналында өзүнү "ҹадуҝәр" кими тәгдим едән езотерик мүтәхәссис Инга Хосројева исә Гарабағдакы ганунсуз сепаратчы һакимијјәтин орадакы һајлары Ермәнистана көчүрмәк нијјәтини ачыглајыб.
"АрменианРепорт"ун јајдығы мәлумата ҝөрә о, Рубен Варданјаны инҝилтәрә аҝенти, арвадынын исә хәбис јәһуди адландырыб.
"Рубен Варданјан ҝәлән кими Артсахы мүһасирәјә алдылар. О, һәр ҝүн чыхыр, халгы сакитләшдирир...Инди гулаг асын. Ҝизли сәнәдләр үзә чыхармышыг... 2022-ҹи ил нојабрын 16-да сизи һәр ҝүн јухуја верән, "һәр шеј гајдасындадыр, һәр шеј јахшыдыр" дејән сизин тәрифли Рубен Варданјан әмр јазыб ки, 2023-ҹү ил февралын 1-дә Артсахы бошалтмаг үчүн 50 автобус ајрылсын. Февралын 1-дә сизин һакимијјәт һамынызы орадан евакуасија едәҹәк...
Варданјана инанырсыныз, амма о, буну артыг нојабрын 16-да планлашдырыб. Сиз һәлә блокадада дејилдиниз, лакин Рубен Варданјан артыг бу мүһасирәни планлашдырыб ки, мүһасирәјә алынаҹагсыныз, јол бағланаҹаг, аҹлыгдан өләҹәксиниз вә сонра орадан ҝетмәк гәрарына ҝәләҹәксиниз" -дејә езотерик вурғулајыб.
342/
