"Унитед Пресс" хәбәр аҝентлијинин мәлуматына ҝөрә, өлкәнин бәзи јерли үмуми практикантлары једди ҝүндүр тәтил едибләр. Онлар базар ертәси ишә гајытмалы идиләр, лакин инди тәтилләрини базар ҝүнүнә гәдәр узадыблар.
Мәлумата әсасән, франсыз һәкимләр консултасија үчүн тарифләрин артырылмасы вә иш шәраитинин јахшылашдырылмасыны, хүсусән катибләри ишә ҝөтүрмәк вә һәким чатышмазлығы олан мәһәлләләрә тибб ишчиләрини ҹәлб етмәк имканыны ахтарырлар.
"Сабаһ үчүн һәкимләр" кими танынан бир груп франсыз һәким ҹүмә ахшамы Парисин мәркәзиндә Сәһијјә Назирлијинә етираз јүрүшү планлашдырылыр.
Франсанын сәһијјә назири Франсуа Браун, өлкәнин мөвсүми грип, Ҹовид епидемијасы вә тәнәффүс јолухуҹу бронхиолитин јаратдығы үчлү тәһлүкә илә үзләшдији бир вахтда тәтилин хүсусилә арзуолунмаз олдуғуну сөјләјиб.
Браун дејиб: "Бу, пис дөврдүр, биз бүтүн тәһлүкәләрин һәфтәсини јашајырыг".
О, кечән һәфтә бүтүн Франса сәһијјә системинин тәтил аксијасы илә әлагәдар бөјүк тәзјиг алтында олдуғуну сөјләјиб.
Бу елә бир һалдадыр ки, Франсалы һәкимләр бронхиолит, грип вә ҸОВЫД-19 һалларынын артмасы илә мүбаризә апардыглары үчүн хәстәханалардакы сыхлыгдан ҝилејләнирләр, Үмуми практикант Флоренс Лапика дејиб: "Епидемија вар, амма хроники хәстәләр дә вар. Бу ҝүн артыг хәстәләримизи, истәр көрпә, истәрсә дә јашлы, идарә етмәк ҝүҹүмүз јохдур".
Кечән јај да Франсада тибб ишчиләри маашларын артырылмасы вә даһа чох ишчи гүввәси тәләби илә, еләҹә дә һөкумәтин гәбул етдији сәһијјә сијасәтләринә етираз олараг, тәтил аксијасы кечирдиләр.
Һәмкарлар иттифаглары даһа әввәл Франсанын сәһијјә системинин бөһранла үзләшдији барәдә хәбәрдарлыг етмишдиләр вә дөвләт хәстәханаларында вә тибби-сосиал мүәссисәләрдә чалышан тибб ишчиләри сон үч илдә өлкәдә һәким чатышмазлығына вә онларын үзләшдији чәтин иш шәраитинә диггәти ҹәлб етмәјә чалышыблар.
Охшар тәтилләр сон ајларда јашајыш хәрҹләри бөһраны фонунда Бөјүк Британија да дахил олмагла диҝәр Авропа өлкәләрини дә вуруб.
342/
