Бу ҝүн сәһәр саат 2:00 радәләриндә сионист режим Тиберија ҝөлүнүн шимал-шәргиндән бир нечә ракет атараг, Дәмәшг Бејнәлхалг Һава Лиманы вә онун әтрафыны һәдәфә алыб.
Һүҹум нәтиҹәсиндә ики Сурија әсҝәри шәһид олуб, 2 әсҝәр исә јараланыб вә бу һава лиманынын фәалијјәти мүвәггәти олараг, дајандырылиб.
Суријанын рәсми САНА хәбәр аҝентлијинин һәрби мәнбәјә истинадән вердији мәлумата ҝөрә, Суријанын һава һүҹумундан мүдафиә гүввәләри Дәмәшг Бејнәлхалг Һава Лиманы вә әтрафыны һәдәф алан сионист режимин Тиберија ҝөлү истигамәтиндән атдығы ракетләрин әксәријјәтини әлә кечириб.
Әл-Мәјадин телеканалынын мәлуматына ҝөрә, Суријанын Нәглијјат Назирлији сионист режимин тәҹавүзү нәтиҹәсиндә дәјән зијаны арадан галдырдыгдан сонра бу ҝүн сәһәр саат доггуздан башлајараг Дәмәшг Бејнәлхалг Һава Лиманынын јенидән хидмәтә гајытдығыны вә учушларын бәрпа олундуғуну елан едиб.
Сионист режим бир нечә ај әввәлдә охшар һүҹумда Дәмәшг Бејнәлхалг Һава Лиманыны һәдәф алды вә бу, реҝионал вә бејнәлхалг тәрәфләр тәрәфиндән кәскин шәкилдә писләнилди.
Јаландан Суријадакы һәрби һәдәфләрә һүҹум етдикләрини иддиа едән сионистләр һүҹумларында јашајыш мәнтәгәләрини вә Суријанын һава лиманлары кими инфраструктур објектләрини һәдәфә алырлар.
342/
