Түркијә ордусу террорчуларла мүбаризә бәһанәси илә тәхминән 3 илә јахындыр ки, Суријанын шимал вә шимал-шәргинин бир һиссәсини ишғал едиб вә Түркијә һәрбчиләриндән бир групу һәлә дә бу әразиләрдә мөвҹуддур.
Сурија һөкумәти Түркијә һәрби гүввәләринин Суријанын шималында олмасыны ишғалчылығын бариз нүмунәси һесаб едир вә дәфәләрлә онларын ҝери чәкилмәсини тәләб едиб.
Суријанын "Әл-Вәтән" гәзети ҹүмә ҝүнү өзүнүн Фаҹебоок сәһифәсиндә бир мәнбәјә истинадән хәбәр вериб ки, Русија, Сурија вә Түркијә мүдафиә назирләри арасында Москвада кечирилән данышыглардан сонра Анкара гошунларыны Суријанын шималындан чыхармаға разылашыб.
Мәнбәнин сөзләринә ҝөрә, Анкара һәмчинин Суријанын суверенлији вә әрази бүтөвлүјүнә һөрмәтлә јанашманын ваҹиблијини вурғулајыб.
Бундан башга, мәнбә билдириб ки, ҝөрүш иштиракчылары Күрдүстан Фәһлә Партијасы илә әлагәси олан күрд бирләшмәләринин "АБШ вә Исраилин аҝентләридир вә Сурија вә Түркијә үчүн ән бөјүк тәһлүкәдир" мөвзусунда һәмфикир олублар. Тәрәфләр һәмчинин Суријанын гәрб вә шәрг бөлҝәләрини бирләшдирән М4 стратежи маҝистралынын ачылмасына даир сазишин иҹрасыны мүзакирә едибләр.
Мәнбә иддиасынын давамында билдириб ки, сөзү ҝедән ҝөрүшдә разылашдырылан мәгамлар, дүзҝүн иҹрасы вә тәгибини тәмин етмәк үчүн бир нечә ихтисаслашмыш комитә тәрәфиндән изләниләҹәк вә ики тәрәф арасында ҝәләҹәк координасија үчүн даһа бир нечә ҝөрүш кечириләҹәк.
342/
