Һүсејн Әмир-Абдуллаһијан вә Ҹејһун Бајрамов декабрын 31-дә икитәрәфли мүнасибәтләрдә јаранмыш сон вәзијјәти мүзакирә едиб вә фикир мүбадиләси апарыблар.
Азәрбајҹанлы һәмкары илә телефон данышығында Әмир-Абдуллаһијан Азәрбајҹан һакимијјәтинин гејри-реал бәјанатларындан наразылығыны билдириб вә дејиб: “Бир сыра мәсәләләрин медиада ҝүндәмә ҝәтирилмәси нәинки проблемин һәллинә көмәк етмир, һәм дә дүшмәнләрин суи-истифадәсинә зәмин јарадыр”.
Иранлы назир һәмчинин азәрбајҹанлы һәмкарыны реҝионал мәсәләләрин дипломатија јолу илә һәлли мәгсәдилә Теһранда кечирилмәси нәзәрдә тутулан 3+3 иҹласында иштирак етмәјә дәвәт едиб.
Азәрбајҹан Республикасынын хариҹи ишләр назири Ҹејһун Бајрамов да ики өлкә президентләринин Астанада бу јахынларда кечирилмиш ҝөрүшүнә тохунараг, Иран вә Азәрбајҹан рәсмиләри арасында апарылан данышыглары вә тәмаслары мүсбәт гијмәтләндириб вә Азәрбајҹан Республикасынын икитәрәфли мүнасибәтләри ҝүҹләндирмәјә һазыр олдуғуну вурғулајыб.
Нојабрын 8-дә дә Әмир-Абдуллаһијан вә Ҹејһун Бајрамов арасында телефон данышығы баш тутараг орада бәзи икитәрәфли мәсәләләр, о ҹүмләдән реҝионал вә бејнәлхалг аренада үмуми мараг доғуран мәсәләләр мүзакирә едилди.
342/
