СәһәрАзәри-нин мәлуматына әсасән, Ермәнистанын иҹтимаи радиосу хәбәр верир: Рәсми Ирәван билдирир ки, Русијанын Дағлыг Гарабағ әһалисинин бошалдылмасынын сәссиз шаһидинә чеврилмәси гәбуледилмәздир вә сон һадисәләр Русија сүлһмәрамлы гошунларынын фәалијјәти илә бағлы тәҹили ҹаваб тәләб едән суаллар доғурур.
Диггәтә лајигдир ки, Санкт-Петербургда ҝөрүшдән сонра Ирәванла Москва арасында риторика даһа да сәртләшди.
Русија вәзијјәти неҹә дәјәрләндирир, Лачын дәһлизинин бәрпасы илә бағлы планы вә јол хәритәси нәдир?
Белә чыхыр ки, Пашинјан Санкт-Петербург ҝөрүшләриндән һәмин суаллара ҹаваб алмадан гајыдыб.
Рәсми Москва артыг Ермәнистан баш назиринин бәјанатларына ҹаваб вериб. Кремлин фикринҹә, Дағлыг Гарабағда јерләшән Русија сүлһмәрамлыларына БМТ мандаты, һабелә бејнәлхалг гүввәләрин мүмкүн ҹәлб олунмасы үчүн мүнагишә едән ики тәрәфин – Ермәнистан вә Азәрбајҹанын разылығы лазымдыр.
Ејни заманда, Русија Хариҹи Ишләр Назирлијинин рәсми нүмајәндәси Марија Захарова Лачын дәһлизиндәки вәзијјәтлә әлагәдар Русија сүлһмәрамлы гошунларынын тәнгидини гәбуледилмәз һесаб едиб.
Бунунла белә ермәни политолог Роберт Гевондјан гејд едиб: “Бурада Русија вә Азәрбајҹанын бирҝә ојуну вар”.
Гевондјанын фикринҹә, Дағлыг Гарабағ Азәрбајҹанын тәркибиндә садәҹә олараг сағ гала билмәз.
Политолог Емил Ордуханјан исә дејиб: “Мәсәләнин БМТ Тәһлүкәсизлик Шурасынын мүзакирәсинә чыхарылмасы вә мүзакирәләрдә иштирак едән дөвләтләрин әксәријјәтинин Дағлыг Гарабағ термининдән истифадә етмәси сүбут едир ки, индики мәрһәләдә бејнәлхалг иҹтимаијјәт Азәрбајҹанын ирәли сүрдүјү јанашманы пајлашмыр”.
Бу арада бејнәлхалг мәтбуат да бу мәсәләјә даһа тез-тез тохунмаға башлајыб. Мәсәлән АБШ-да чыхан “Ҹһиҹаҝо Трибуне” гәзети јазыб ки, “Азәрбајҹан ермәниләри гырғын етмәјә ҹәһд едәркән Гәрб буна ҝөз јума билмәз”.
342/
