Иранын хариҹи ишләр назири Һүсејн Әмир Абдуллаһиан чәршәнбә ҝүнү Оманын пајтахты Мәсгәтдә Оман кралы Һејсәм бин Тариг Али Сәид илә ҝөрүшүб.
Ҝөрүш заманы Әмир Абдуллаһиан крала Иран президенти Сејид Ибраһим Рәисинин мәктубуну тәгдим едиб.
чәршәнбә ахшамы ҝеҹә Омана сәфәр едән Әмир Абдуллаһиан Мәсгәтә дахил олдугдан сонра журналистләрә вердији ачыгламада Иран президенти Сејид Ибраһим Рәисинин месажыны Оман кралына чардыраҹағыны билдириб.
О, дејиб ки, Иран вә Оман һәмишә икитәрәфли әлагәләр, реҝионал вә бејнәлхалг мәсәләләр үзрә мәсләһәтләшмәләр апарыб.
"Оман һәмчинин Иранла бағлы реҝионал диалогун мәркәзи олуб вә Оманын јүксәк рәсмиләри истәр Иран Ислам Республикасы, истәрсә дә реҝионал бөһранларла бағлы мүхтәлиф мәсәләләрдә һәмишә хејирхаһ рол ојнајыблар", - дејә о әлавә едиб.
Јәмән бөһраны, Әфганыстан, вә Украјна сәфәр заманы мүзакирә олунаҹаг мөвзулар сырасындадыр.
Баш иранлы дипломатын чәршәнбә ҝүнү Оманын диҝәр јүксәк вәзифәли рәсмиләри илә дә ҝөрүшләри планлашдырылыр.
Сон онилликләрдә Иран вә Оман арасында мүнасибәтләр, Фарс көрфәзиндәки ҝәрҝинлијә вә Американын иранфобијаны ҝүҹләндирмәк ҹәһдләринә бахмајараг, һәмишә һөрмәт вә гаршылыглы фајда үзәриндә гурулуб.
342/
