Еутелсат Франсанын бүтүн Авропа, Гәрби Асија, Африка, Асија вә Америка гитәсини әһатә едән пејк операторудур. Бу ширкәт сон ҝүнләр Авропа Бирлијинин Иранын пејк каналларына, хүсусилә ПрессТВ-јә гаршы санксијаларына ујғун олараг јајымыны дајандырыб. Лакин бу һәрәкәт франсыз ширкәтинә нәинки бөјүк малијјә иткиләринә сәбәб олуб, һәм дә гәрблиләрин иддиа етдији фундаментал сөз азадлығы һүгугуну позуб.
Аналитик вә журналист Роберт Фантина бу барәдә дејир: “Пресс ТВ-јә гаршы мүхтәлиф проседурлар вә тәдбирләр ҝөрмәк Гәрб дөвләтләринин сон заманлар ҝүҹләнән Иран әлејһинә вә Иранофобија лајиһәсинин бир һиссәси һесаб едилмәлидир”.
2022-ҹи ил нојабрын орталарында Авропа Иттифагы “Пресс ТВ” хәбәр каналыны санксија сијаһысына салыб. Бу хәбәр каналы узун илләрдир ки, һадисәләри һәр заман өз марагларына ујғун әкс етдирән Гәрбин медиа инһисарыны гырмаг истигамәтиндә фәалијјәт ҝөстәрир вә бу мәсәлә һәмишә гәрб һөкумәтләринин гәзәбинә сәбәб олуб вә бу сәбәбдән дә заман-заман ЈоуТубе, Ынстаҝрам вә бу кими виртуал шәбәкәләрдә Пресс ТВ-нин блокланмасы вә ејни заманда, тәзјиг ҝөстәрмәклә һагг сөзүн мәгсәдә чатдырылмасы әнҝәлләниб. Буну әлбәттә Сәһәр каналына да аид етмәк олар. Белә ки, Сәһәр ТВ-нин јајымына гаршы тәхрибат артмагдадыр вә Сәһәрин ифша-едиҹи програмларындан ваһимәјә дүшән Азәрбајҹандакы тајфа режиминин бу хүсусда шантажлары диггәт чәкир.
Һәр һалда ҝөрүнүр авропалылар да АБШ-ла јанашы, сөз вә медиа азадлығы шүарынын әлејһинә, Иран Ислам Республикасынын фикирләринин јајылмасынын давам етмәсинә мане олмаг идејасы илә һәрәкәт едирләр. Бу, әслиндә, гәрблиләрин, о ҹүмләдән Авропа өлкәләринин инсан һаглары, сөз вә медиа азадлығы кими мәсәләләрә икили јанашмасынын нөвбәти нүмунәсидир.
342/
