Бу АБШ тарихиндә илк дәфәдир ки, Конгрес Әдлијјә Департаментини кечмиш президенти ҹинајәт тәгибинә мәруз гојмаға чағырыр. Демократларын рәһбәрлик етдији АБШ Нүмајәндәләр Палатасынын сечмә комитәси миндән чох шаһидлә мүсаһибә апардыгдан вә јүз минләрлә сәнәди нәзәрдән кечирдикдән сонра бу мүраҹиәти ирәли сүрүб.
Комитәнин мүраҹиәтләри һүгуги әһәмијјәт дашымыр вә Әдлијјә Департаментинин һәр һансы һәрәкәтинә мәҹбур етмир. Лакин елә бир һалда ирәли сүрүлүб ки, хүсуси бир мүстәнтиг Трампын даһа ики ишини арашдырыр. Бунлардан бири онун 2020-ҹи ил президент сечкиләрини позмаг ҹәһди, диҝәри исә Ағ Евдән мәхфи сәнәдләрин чыхарылмасы илә бағлыдыр.
Комитә Әдлијјә Департаментини Трампа гаршы дөрд мүмкүн ҹинајәт маддәси илә иттиһам ирәли сүрмәјә чағырыб ки, бунлардан ибарәтдир; Конгресин рәсми просесинә мане олмаг, АБШ-ы алдатмаг үчүн суи-гәсд, јалан бәјанат вермәк, үсјана тәһрик вә ја көмәк етмәк.
Комитәнин демократ үзвү Ҹејми Раск иттиһамлары садалајараг, дејиб: "Бу үсјан АБШ-ын нүфузуна гаршы үсјандыр. Бу, Конститусијада вурғуланан бөјүк федерал ҹинајәтдир".
342/
