Декабрын 6-да Москвада Русија Баш назиринин мүавини Алексеј Оверчукун, Азәрбајҹан Баш назиринин мүавини Шаһин Мустафајевин вә Ермәнистан Баш назиринин мүавини Мҝер Григорјанын һәмсәдрлији илә Үчтәрәфли Ишчи Групун сајҹа 11-ҹи иҹласы кечирилиб.
Русија һөкумәтинин мәлуматына ҝөрә, иҹласда тәрәфләр Русијанын Азәрбајҹан илә Ермәнистан арасында мүнасибәтләрин нормаллашдырылмасы, еләҹә дә онлар арасында игтисади вә нәглијјат әлагәләринин ачылмасы сәјләриндә мүсбәт ролуну гејд едибләр.
"Ҝөрүш заманы Азәрбајҹан, Ермәнистан, Русија арасында вә реҝионда дәмир јолунун иншасы, дәмир јолу нәглијјатынын инкишафы вә дашымаларын тәшкили мәсәләләри мүзакирә олунуб. Тәрәфләр Азәрбајҹан, Ермәнистан вә Русија лидерләринин реҝионда нәглијјат вә игтисади әлагәләринин ачылмасы илә бағлы үчтәрәфли бәјанатларынын иҹрасы үзәриндә иши давам етдирәҹәкләр. Азәрбајҹан вә Ермәнистан тәрәфләри ҝөрүшүн јүксәк сәвијјәдә тәшкилинә вә гонагпәрвәрлијә ҝөрә Русија тәрәфинә миннәтдарлыгларыны билдирибләр", дејә Русија һөкумәтинин мәлуматында гејд олунур.
Үчтәрәфли ишчи групунун иҹласы декабрын 5-дә Москвада Русија вә Азәрбајҹан хариҹи ишләр назирләри Серҝеј Лавров вә Ҹејһун Бајрамовун ҝөрүшүндән сонраја тәсадүф едир.
Гејд едәк ки, Азәрбајҹан Республикасы президенти Илһам Әијевин 10 нојабр 2020-ҹи илдә имзаланмыш үчтәрәфли бәјанатын мүддәаларына зидд олараг, Ермәнистан әразисиндән дәһлиз тәләб етмәси реҝионда коммуникасијаларын вә нәглијјатын бәрпасыны вә нәтиҹә етибары илә сүлһ мүгавиләсинин имзаланмасыны ҝеҹикдирир.
Тәһлилчиләрә ҝөрә Илһам Әлијевин Ермәнистаны Азәрбајҹанын дахилиндә јерләшән Ханкәндинә бирләшдирән Лачын дәһлизи кими ҝүзәштә имза атмасы онун үмуми фикрдә гынаг објектинә чеврилмәсинә сәбәб олуб. Мәһз буна ҝөрә о Ермәнистандан дәһлиз тәләб еетмәк мәҹбуријјәтиндә галыб анҹаг ҝөрүнән одур ки, рәсми Бакыдан башга кимсә бу тәләблә разылашмыр.
342/
