Буну Азәрбајҹан Республикасы Милли Мәҹлисин сәдри Саһибә Гафарова парламентин иҹласында дејиб. О билдириб ки, Азәрбајҹан гәти шәкилдә бу гәтнамәни рәдд едир.
“Биз буну ријакарлыг олараг гәбул едирик. 30 ил әрзиндә Азәрбајҹан вә Ермәнистан арасында мүнагишәдә бир нәтиҹә әлдә едилмәмәсинин сәбәби васитәчи дөвләтин битәрәф олмамасыдыр. Бу гәтнамәдә Ермәнистанын Азәрбајҹана гаршы 30 ил әрзиндә төрәтдији ҹинајәтләр, ејни заманда мүһарибә заманы 9 шәһәримизи бомбаламасы гејд олунмајыб. Бурада Азәрбајҹана гаршы уҹуз сијаси сифариш ачыг шәкилдә ҝөрүнүр. Һәр кәсә ајдындыр ки, Франсанын гаранлыг тарихи ишғалларла, сојгырымларла долудур вә буну тарихдән силмәк олмаз”, - дејә Саһибә Гафарова әлавә едиб.
Азәрбајҹаб Республикасы парламентинин спикери елә бир шәраитдә васитәчиләри битәрәф олмамагда вә мәһз буна ҝөрә дә мүнагишәнин 30 ил мүддәтиндә узанмасында тәгсиркар олмагда иттиһам едир ки, елә индисиндә дә һәмин васитәчиләр ҹәнуби гафгазда ат ојнадырлар. Рәсми Бакы исә буна шәраит јарадыр.
Франсанын исә Азәрбајҹан Республикасына гаршы сијасәтиндә һеч бир дәјишиклик олмајыб вә бу өлкә әввәлиндән Азәрбајҹана гаршы гәрәзли мөвге сәрҝиләјиб. Анҹаг рәсми Бакы бу ҝүн артыг бу реаллығы ҝөрмәмәзлијә вура билмилмир.
Хатырладаг ки, Франса Сенаты 2022-си ил нојабрын 15-дә Азәрбајҹана гаршы гәтнамә лајиһәсини гәбул едиб.
Нојабрын 30-да исә Милли Ассамблеја да Азәрбајҹана гаршы сијаси аксија тәшкил едиб.
Азәрбајҹан Хариҹи Ишләр Назирлији билдириб ки, бу, бејнәлхалг һүгуг нормаларына вә принсипләринә ачыг һөрмәтсизликдир.
342/
