Ирагын баш назири Мәһәммәд Шиа Әл-Судани Иран Ислам Республикасынын рәсмиләри илә данышыглар апармаг үчүн бу ҝүн сәһәр сијаси вә игтисади нүмајәндә һејәтинин башында Теһрана ҝәлиб.
Сејид Ибраһым Рәиси бу ҝөрүшдә Ирагда сијаси сабитлик вә јени көкумәтин гурулмасындан мәмнунлуг ифадә едәрәк, билдириб ки,Теһран мүхтәлиф игтисади, тиҹарәт, мәдәни вә тәһлүкәсизлик саһәләриндә Бағдадла әлагәләри даһа да ҝенишләндирмәкдә гәрарлыдыр.
Иранын Ирагла әлагәләринин мүстәсна олдуғуну гејд едәрәк, ики гоншу өлкә арасында әлагәләрин даһа да ҝенишләндирилмәсинин реҝионда вә глобал мигјасда сүлһ вә сабитлијин тәшвигинә сәбәб олаҹағына үмид етдијини билдириб.
Ирагын баш назири дә өз нөвбәсиндә јени Ираг һөкумәтинин гурулмасындан бир ај сонра Ирана баш тутан сәфәриндән мәмнунлуғуну ифадә едиб.
Әл Судани Иранын Ирагла гаршылыглы әлагәләрини јүксәк гијмәтләндириб вә гејд едиб ки, ики өлкә арасында икитәрәфли мүнасибәтләр мәгбул шәкилдә инкишаф едир.
О, Иран-Ираг мүштәрәк әмәкдашлыг комиссијасынын ролуну вурғулајараг, комиссијанын мүнтәзәм иҹласларынын кечирилмәсини истәјиб.
342/
