мәлум гәрар Американын Јәһуди Комитәсиси тәрәфиндән алгышланыб вә комитә Азәрбајҹан һөкумәтинин Исраилдә сәфирлик ачмаг гәрарыны јүксәк гијмәтләндириб.
"Азәрбајҹан артыг чохдан Исраил вә мүсәлман дүнјасы арасындакы мүнасибәтләрдә тренди мүәјјән едән өлкәдир. Исраилдә сәфирлијин ачылмасы отуз илдән чох давам едән сых вә ҝенишмигјаслы Азәрбајҹан-Исраил әлагәләрини әкс етдирир", - дејә комитәнин баш директору Тед Дојч билдириб.
Хатырладаг ки, јәһуди лобби тәшкилатлары Гарабағ мәсәләсиндә һәмишә Ермәнистаны дәстәкләјибләр вә Конгресдә адәтән ермәни сепаратчыларына малијјә јардымларынын ајрылмасы лајиһәләриндә јер алырлар.
Ајдын мәсәләдир ки, өлкә әһалисинин чохлуг тәшкил едән шиә ҹамиәси, Азәрбајҹанын милли марагларына һеч ҹүр ујғун ҝәлмәјән гәрарын милләт адындан верилмәсиндән нараһатдыр вә һесаб едир ки, һакимијјәтин бу дүшүнүлмәмиш аддымы Азәрбајҹан Республикасыны Иран Ислам Республикасы илә гаршы-гаршыја гојаҹагдыр.
Ҝөрүнүр, рәсми Бакы Иран Ислам Республикасына гаршы инадкарлығыны нүмајиш етдирмәк үчүн бу јанлыш гәрара имза атмышдыр. Һаким режим әлбәттә ҹамаата белә ашылајыр ки, Гафанда Иранын консуллуг ачмасы гаршысында Исраилдә сәфирлијин ачылмасы лабүддүр, һалбуки Ермәнистан өз гануни торпағында гоншу өлкәнин консуллуг ачмасына иҹазә вериб вә бу ишдә гәбаһәт ахтармаг јерсиздир, Азәрбајҹан исә Фәләстин халгынын ишғал олунмуш вә оғурланмыш торпағында сәфирлик ачмаг гәрарына ҝәлиб. Она ҝөрә дә дүнја мүсәлмнлары буну Илһам Әлијевә бағышламајаҹлар.
Бу шәраитдә Азәрбајҹан инсаны һесаб едир ки, Әлијев һөкумәтинин емосионал давранышы она јалныз бәднамлыг газандыраҹаг вә бундан сонра сионистләрин Азәрбајҹан Республикасында истәкләринин һәјата кечирилмәси даһа асан олаҹаг. Чүнки сионистләр өз бәјанатларында вә мәгаләләриндә ачыг шәкилдә вурғуламышлар ки, онлар Азәрбајҹан Республикасындан Ирана гаршы бир пласдарм кими истифадә етмәк нијјәтиндәдирләр. Бу исә о демәкдир ки, Тәл-Әвивдә ачылаҹаг сәфирлик сионистләрин етирафына ҝөрә, фактики олараг анти-Иран һәрәкәтләринин координасија мәркәзи кими фәалијјәт ҝөстәрәҹәк. Она ҝөрә дә Теһран бу тәһлүкәјә ҝөз јума билмәз.
342/
