Арарат Мирзојан АТӘТ-ин Минск групунун русијалы һәмсәдри, Русија хариҹи ишләр назиринин Ермәнистанла Азәрбајҹан арасында мүнасибәтләрин нормаллашмасына дәстәк мәсәләләри үзрә хүсуси нүмајәндәси Игор Ховајеви гәбул едиб.
Ҝөрүшдә Ермәнистан вә Азәрбајҹан арасында мүнасибәтләрин нормаллашмасы просеси вә Гарабағ мүнагишәсинин һәлли илә бағлы сон просесләр мүзакирә олунуб.
Һәмсөһбәтләр Ермәнистан, Русија вә Азәрбајҹан лидерләринин октјабрын 31-дә Сочидә кечирилмиш үчтәрәфли ҝөрүшүнә вә гәбул олунмуш бирҝә бәјаната тохунублар. Бунунла әлагәдар Арарат Мирзојан тәрәфләрин ҝүҹ тәтбигиндән чәкинмәк өһдәлијинин ваҹиблијини вурғулајараг гејд едиб ки, Азәрбајҹан өз агрессив давранышы вә максималист истәкләри илә бөлҝәдә давамлы сүлһүн бәргәрарына мане олмагда давам едир.
Мирзојан вә Ховајев һәмчинин Ермәнистан вә Азәрбајҹан арасында сәрһәдин делимитасијасы просеси, еләҹә дә реҝионда нәглијјат инфраструктурларынын блокдан чыхарылмасы барәдә фикир мүбадиләси апарыблар.
Гејд едәк ки, баш назир Никол Пашинјан да Ховајеви гәбул едиб. Ҝөрүш заманы Пашинјан бәјан едиб ки, Ермәнистан августда Русијанын тәгдим етдији тәклифләри дәстәкләјир вә бу тәклифләр Ермәнистанла Азәрбајҹан арасында мүнасибәтләрин низамланмасы үзрә ҝәләҹәк данышыглар үчүн әсас ола биләр.
Бундан әввәл ермәни тәрәфи билдирмишди ки, сүлһ сазишин “рус вариантыны” мәһз Ховајев һазырлајыб. Онун әсас мәгамы тәрәфләрин Гарабағын статусу мәсәләсинин ҝәләҹәјә сахлајыб сүлһә наил олмаг иди.
342/
