Илһам Әлијев тәәҹүб доғуран бәјанатла Иран халгынын јарысыны өз доғма вәтәниндә хариҹи вәтәндаш адландырыб: “Азәрбајҹан дөвләти хариҹи өлкәләрдә јашајан азәрбајҹанлыларын һүгуг вә азадлығынын, тәһлүкәсизлијинин тәмин едилмәсинә хүсуси диггәт јетирир”,- дејән Әлијев чыхышынын давамында һәр бир инсанын һејрәтинә сәбәб олаҹаг ачыгламада Иран халгынын јарысыны Азәрбајҹан вәтәндашы олараг санки өз өлкәсиндән кәнарда галанлар кими адландырыб: “ Биз аҹы талејин һөкмү илә Азәрбајҹан дөвләтиндән ајры дүшмүш сојдашларымызын дилимизи, әнәнәләримизи, мәдәнијјәтимизи горујуб сахламалары, азәрбајҹанчылыг идејаларына садиг олмалары, өз тарихи Вәтәнләри илә әлагәләрин һеч вахт кәсилмәмәси үчүн сәјләримизи давам етдирәҹәјик.”
Сојдаш адландырдығы иранлыларын үзүнә Азәрбајҹан сәрһәдләрини 3 илдирт бағлајан вә ачдығы заманларда да һарын мәмурлары васитәси илә онларын ҹибинә ҝирән, ән илкин турист кими һүгугларыны белә кобуд шәкилдә позан, һәтта Азәрбајҹан Республикасынын дилини,әнәнәләрини вә мәдәнијјәтини өјрәнмәк үчун бу өлкә университетләринә дахил олмаг истәјәнләри интиһара ҝәтириб чыхараҹаг сәвијјәдә инҹидән, Азәрбајҹан Республикасыны онлара ҹәһәннәмә чевирән Әлијевин сојдаш адландырдығы һәмин инсанларын ассимилјасијаја уғрамасындан ниҝаран олмасынын ријакарлыгдан башга ады јохдур.Артыг фантазијалара дүчар олан Илһам Әлијев садәҹә Иранын дахили ишләринә мүдахилә илә кифајәтләнмәјиб вә үзвү олдуғу ТДТ-ни дүнјанын диҝәр өлкәләринә дә мүдахиләјә чағырыб вә беләликләдә Русија вә Ҝүрҹүстана да мүдахилә фикрини ҝизләтмәјиб: “Түрк дүнјасы тәкҹә мүстәгил түрк дөвләтләриндән ибарәт дејил, онун ҹоғрафи сәрһәдләри даһа ҝенишдир. Һесаб едирәм ки, Түрк Дөвләтләри Тәшкилатынын үзвләри олан өлкәләрдән кәнарда јашајан сојдашларымызын һүгугларынын, тәһлүкәсизлијинин, милли кимлијинин горунмасы, онларын ассимилјасијаја уғрамамасы кими мәсәләләри артыг тәшкилат чәрчивәсиндә даими әсасда диггәтдә сахламағын вахты ҝәлиб чатмышдыр”,- Илһам Әлијев дејиб.Азәрбајҹан Республикасы президенти сон вахтлар Бакыда ТДТ-нын сәдри илә ҝөрүшүндә дә Ирана гаршы мүдахиләчи фикирләр сәсләндирмишди. Илһам Әлијев зәфәр бајрамы мәрасиминдә чыхышы заманы да Ираны һәдәләди. Мәһз буна ҝөрә Азәрбајҹан Республикасынын Теһрандакы сәфири дүнән ХИН-ә чағырылараг она Илһам Әлијевин гејри-дост чыхышлары барәдә етираз нотасы верилди. Инди Иранын һаглы етиразындан сонра Илһам Әлијевин өз мүдахиләчи бәјанатларыны давам етдирмәси ики өлкә әлагәләринә нөвбәти дағыдыҹы зәрбә олду.
342/
