АИ-нын бәјанатында 44 ҝүнлүк мүһарибәнин нәдән баш вердијинә вә нә илә нәтиҹәләнмәсинә тохунулмадан дејилир: “Бу чәтин ирси там дәрк едәрәк, һәр ики тәрәфи дүшмәнчилик сәһифәсини чевирмәјә, даһа чох инсан иткиси вә зәрәрләрин гаршысыны алмаг үчүн барышыг сәјләрини давам етдирмәјә чағырырыг”.
АИ Азәрбајҹан вә Ермәнистан рәһбәрлијинин фикир ајрылыгларыны арадан галдырмағын чәтинлијинә тохунуб вә бунун вахт тәләб етдијини хатырладыб:
“АИ онларын мүхтәлиф сәвијјәләрдә вә мүхтәлиф форматларда давам едән данышыгларда дајаныглы иштиракыны јүксәк гијмәтләндирир. Бу данышыгларын чәтин олдуғу вә вахт тәләб едәҹәји ајдын олса да, нәбзи горумаг, ирәлијә доғру конкрет аддымлар барәдә разылыға ҝәлмәк вә реҝионда бүтүн әһалинин рифаһы үчүн тәһлүкәсиз вә фираван мүһити тәмин етмәк чох ваҹибдир”.
Гејд едәк ки, Азәрбајҹан вә Ермәнистан башчыларынын Брүссел вә Прагада АИ тәрәфиндән тәшкил едилән ҝөрүшләриндә һеч бир мүсбәт нәтиҹә ортаја чыхмамышдыр. 44 ҝүнлүк мүһарибәдән ики ил кечсә дә бу ики өлкә арасында сүлһ сазиши имзаланмајыб. Бәзи експертләр мүһарибәдән сонракы ҝөрүш вә мүзакирәләри Минск групунун васитәчилији илә 30 иллик нәтиҹәсиз мүзакирәләрә бәнзәдир, Русија вә гәрбин јенә дә тәрәфләри сүрүндүрмәклә мәшғул олдугларыны дејирләр.
342/
