“Авропанын Русија газындан имтина етмәси асан просес олмајаҹаг, бу, илләр чәкәҹәк, она ҝөрә дә инди Авропа үчүн алтернатив маршрутлар гурмагданса, Русија газыны Түркијәдән алмаг даһа сәрфәлидир”, - Калын билдириб.
О, һәмчинин Авропанын Набукко лајиһәси үзрә уғурсуз иши хатырладыб.
Түркијә Президентинин сөзчүсүнүн сөзләринә ҝөрә, рәсми Анкара Украјнадакы вәзијјәтин низамланмасындан сонра Гәрблә Русија Федерасијасы арасында газ саһәсиндә әмәкдашлығын нормаллашаҹағына инаныр. Калын Түркијәнин Аралыг дәнизиндән вә алтернатив мәнбәләрдән мүмкүн газ тәдарүкүнүн әлверишли пајлајыҹысы олдуғуну вурғулајыб.
Гејд едәк ки, Украјна мүһарибәси нәтиҹәсиндә Авропада јаранмыш енержи бөһранындан сонра Азәрбајҹан Республикасы Русија газына алтернативләрдән бири олараг өз газыны тәклиф едир.
342/
