Ислам Ингилабынын Бөјүк Рәһбәри бу ҝүн, империализмлә милли мүбаризә ҝүнү әрәфәсиндә, он үч абаны Американын шәр ишләринин, онун зәрбә көврәклији вә мәғлуб олмасы имканынын тәҹәссүмү адландырыб вә белә дејибләр: Бу мүһүм ҝүндән вә онун вәһдәт јарадан јекдиллик топлантыларындан һиддәтләнән америкалыларын вә американ тәмајүлүн әсәбләри позулур, зира бу ҝүн һәм Американын шәр ишләринин, һәм дә зәрбә көврәклији вә мәғлуб олмасы имканынын тәҹәссүмү вә исбатыдыр.
Һәзрәт Ајәтуллаһулузма Хаменеи иранлыларын милли гәһрәманы вә сәркәрдәсини, реҝионун гәһрәманы Һаҹы Гасым Сүлејманини шәһид етмәк вә бу ҹинајәтлә фәхр етмәји Американын фитнәләри вә алчаглыгларынын бир нүмунәси адландырыб вә америкалылара хитабән дејибләр: Сиз нүвә алимләринин гатилләрини, јәни сионистләри һимајә етдијинизи билдирдиз. Америкада вә диҝәр өлкәләрдә Иран халгынын малијјәләриндән милјардларла доллары дондурмагла Иран халгыны проблемләри азалтмаг үчүн өз активләриндән истифадә етмәкдән мәһрум едибсиз.
О һәзрәт әлавә едибләр: Әксәр анти-Иран һадисәләриндә дә сизин изиниз ҝөрүнүр. О заман, там һәјасызлыгла ағ јалан дејир вә иддиа едирсиз ки, Иран халгына үрәјиниз јаныр. Әлбәттә, сизин истәјинизин әксинә олараг, Иран халгы бу дүшмәнчиликләрин бир чохуну зәрәрсизләшдирибдир.
Дүнјадакы бир чох сијаси аналитикин Американын тәнәззүлә уғрама просесинә даир фикир бирлијинә тохунан Һәзрәт Ајәтуллаһулузма Хаменеи әлавә едибләр: Бу ашкар тәнәззүлүн нишанәләрини Американын игтисади, иҹтимаи вә әхлаги саһәләриндән тутмуш бу өлкәдәки дахили ганлы икитирәликләрәдәк мисли ҝөрүнмәмиш проблемләрдә мүшаһидә етмәк олар.
Һәзрәт Ајәтуллаһулузма Хаменеи сон бир нечә һәфтә әрзиндә өлкәдә баш верән иғтишашларда Американын ашкар ролуна ишарә илә әлавә едибләр: Иранын Тәһлүкәсизлик Назирлији вә Сепаһ-ын тәһлүкәсизлик тәшкилатынын иғтишашлар барәдәки бирҝә бәјанаты мүһүм мәлумат вә кәшфијјата малик олуб вә ҝөстәрир ки, дүшмән Теһран, һәмчинин бөјүк вә кичик шәһәрләр үчүн програмлашдырма апарыб вә план ҹызыбмыш.
О һәзрәт Шаһчыраг һадисәси, бу һадисәдә ушаглар да дахил олмагла инсанларын гырғын едилмәләрини бөјүк ҹинајәт адландырыб вә белә сөјләјибләр: Бу ҹинајәтин амилләри мүәјјән едилмәлидирләр вә ҹинајәтдә һәмкарлыг етдикләри сүбут едиләҹәк һәр бир кәс шүбһәсиз, ҹәзаландырылаҹагдыр.
Инсан һүгуглары иддиачыларынын бу ҹинајәт гаршысында сусмаларына ишарә едән Һәзрәт Ајәтуллаһулузма Хаменеи вурғулајыблар: Нә үчүн бу иддиачылар Шираз һадисәсини писләмәдиләр вә нә үчүн һәгигәтә ујғун олмајан јалан бир мәсәләни минләрлә дәфә интернетдә тәкрар едирләр?
342/
