Азәрбајҹан Республикасынын Президенти Илһам Әлијев нојабрын 1-дә Әлҹәзаирдә кечирилән Әрәб Дөвләтләри Лигасынын 31-ҹи Зирвә топлантысында чыхыш едәркән белә дејиб: “Франсанын Әлҹәзаир халгына гаршы төрәтдији гәтлиам дүнјанын һеч вахт унутмамалы олдуғу бир һадисәдир. Франса Әлҹәзаир халгына гаршы чох дәһшәтли бир мүһарибә апарыб. Бу дәһшәтли гәтлиам 1,5 милјон инсанын өлүмү илә нәтиҹәләниб”
Тәнгидчиләрә ҝөрә 30 ил мүддәтинә Франсанын Азәрбајҹан Республикасынын әразиләринин ишғалына сон гојулмасына төһфә верәҹәјини реклам едән Азәрбајҹанын индики игтидарын башчысы Франсанын ҹинајәтләрини хатырлатса да һәлә дә Франса президентинин сифаришләрини јеринә јетирмәклә мәшғулдур.
Илһам Әлијевин Франса, АБШ вә Русија гаршысында тәслимчи мөвгедә олдуғуну дејән игтидар тәнгидчиләринә ҝөрә о ермәни пәрәст мөвгеји илә танынан Франса президенти Емануел Макронла һәрһансы ҝөрүш вә јахуд телефон сөһбәтиндән дәрһал сонра Ермәнистанын истәкләриндән бирини јеринә јетирмишдир. Азәрбајҹан торпагларында террор әмәлијјатында иттиһам олунан ермәни диверсантларын азад едиләрәк Франса тәјјарәси илә Ирәвана ҝөндәрилмәси бунун әјани нүмунәсидир.
Буна бахмајараг Илһам Әлијев Әлҹәзаирә сәфәри чәрчивәсиндә Шәһидләр абидәсини вә Милли Мүҹаһидләр Музејини зијарәт етдијини хатырладыб вә белә дејиб: “Бу ҝүн бу дәһшәтли һадисәни хатырлајаркән ҝәләҹәкдә белә фәлакәтләрин гаршысынын алынмасы үчүн әлимиздән ҝәләни етмәлијик”.
Азәрбајҹан Республикасынын бәзи танынмыш мүхалифәтчи сималары билдирирләр ки, Илһам Әлијевин бәзи чыхышларында Франса вә диҝәр һеҝемончу анти-Азәрбајҹан гәрб дөвләтләрини тәнгид етмәси "поза"дан башга бир шеј дејил вә о өз аилә мүлаһизәләрини вә һөкумәтинин давамыны өлкәнин милли мәнафејинә үстүн тутур.
342/
