Сон ҝүнләр Азәрбајҹан дөвләт телевизијасы Азтв-нин “Диггәт Мәркәзи” програмында чыхыш едән Азәрбајҹан Республикасы парламентинин нүмајәндәләри Иран Ислам Республикасынын деврилмәсинә чағырыб вә бу деврилиши түркләрин игтидара ҝәлмәси үчүн әсас һесаб едибләр.
Бу верилишдә милләт вәкилләри Саһиб Алијев, Әзиз Әләкбәров вә аналитик Елчин Мирзәбәјли вә Севил Микајылова чыхыш едәрәк, өтән дөврдә Гарабағда наркотик тиҹарәтиндән тутмуш, Иранда азәриләрин һүгугларынын тапдаланмасына, сионист вә гәрб һөкумәт вә мәркәзләринин Ирана гаршы ирәли сүрдүкләри бүтүн сахта иттиһамларын тәкрарланмасына гәдәр ҹәфәнҝ вә ејни заманда һагсыз иттиһамлар сәсләндирибләр.
Елчин Мирзәбәјли дејиб ки, Иранын јаранмасынын сәбәби түрк вә Ислам дүнјасында парчаланма вә ајрылыг јаратмагдыр!
Саһиб Алијев дејиб ки, Иран дипломатијасы һәмишә һијләҝәрлији илә сечилиб. Анҹаг бу ҝүн ачыг шәкилдә бәјан едирләр ки, биз Азәрбајҹанын вә Түркијәнин дүшмәнијик! Һәтта һәрби тәлимләрдә әсҝәрләрә дејирләр ки, Азәрбајҹан вә Түркијә илә дөјүшмәјәнин ҹәннәтдә јери јохдур!
Әзиз Әләкбәров да дејиб: “Бүтүн дүнја вә Гәрбин Украјнаја дәстәк вердији бир шәраитдә Иран Украјнаја гаршы Русијаны дәстәкләјир вә бу, илк бахышдан Иранын ағлыны итирдијини ҝөстәрир. Бу режим деврилмәли вә јени гүввәләр һакимијјәтә ҝәлмәлидир, ја да Иран мүстәгил дөвләтләрә парчаланмалыдыр!”
Сонра микрофон Севил Микајыловаја верилиб. Иранын бәзи бөлҝәләриндә иғтишашчыларын тәхрибатчы һәрәкәтләрини милли ојаныш кими гијмәтләндирән експерт билдириб ки, Иранда бу дәфә милли ојаныш баш вериб!
Бу телевизија дәјирми масасынын иштиракчылары һәмчинин Ираны Азәрбајҹан Республикасы илә дүшмәнчиликдә иттиһам едәрәк иддиа едибләр ки, Иранын Бакыја хәбәрдарлыг етмәсинә сәбәб Иранын Гарабағ әтрафындакы торпаглары Ермәнистандан ҝери алмагдан нараһат олмасы, Гарабағдан наркотик гачагмалчылығы имканларыны итирмәси вә Иранын һәтта 1918-ҹи илдән Азәрбајҹан ҹүмһуријјәтинин гурулмасына гаршы чыхмасыдыр.
Натигләр башга бир ҝүлүнҹ иддиа да ирәли сүрүбләр. Онларын гәнаәтинҹә Иран ҝуја Азәрбајҹан Республикасынын идарәетмә системинә вә Иран азәриләри үчүн өрнәк олмасына гысганҹлыг едир.
Јери ҝәлмишкән билдирәк ки, Азәрбајҹан Республикасынын иҹтимаи рәјиндә Иранын имиҹини мүмкүн гәдәр мәһв етмәк мәгсәдини ҝүдән бу деди-годулар јалныз бир нүмунәдир вә һакимијјәт бу ҝедишатла гошу дөвләтин әсәби илә ојнајыр, диггәтләри өлкә дахилини ағушуна алмыш сосиал партлајышдан јајындырмаг истәјир. Лакин бу дүшмәнчилик мөвгеји ону халгын гәзәбиндән сығорталаја билмәз.
Әслиндә Азәрбајҹанын мүсәлман халгы һеч заман Иранла үнсијјәт бағларыны гырмаз вә бундан сонра да чәтин ҝүнләриндә ҹәнуб гоншусуна ҝүвәнәҹәкдир. Зира бу халг менталитет бахымындан өзүнү Ирандан ајры тәсәввүр етмир, ваһид сивилизасија, шиәлик, тарихи ортаглыг вә нәһајәт доғмалыг халгларымызы бир-биринә бағлајан чох мөһкәм телләрдир, аилә һакимијјәти буну гырмаг игтидарында дејил.
