Никол Пашинјан парламентдә депутатларын суаллары ҹавабландыраркән дејиб: “Ермәнистан һөкумәти Азәрбајҹанла сүлһ мүгавиләсинин илин сонуна гәдәр имзаланмасы үчүн мүмкүн олан бүтүн сәјләри ҝөстәрәҹәкдир.
Һаким “Мүлки Мүгавилә” партијасындан олан депутат Лусине Бадалјан баш назирдән данышыгларын һазыркы вәзијјәтини вә сүлһ мүгавиләсинин бу илин сонуна кими имзаланмасынын мүмкүн олуб-олмадығыны шәрһ етмәји хаһиш едиб.
Пашинјан ҹаваб олараг билдириб: “Дүзүнү демәлијәм, бу илин сонуна гәдәр имзаланмасыны истәјирәм вә истәрдим. Бу нә дәрәҹәдә реалдыр? Мән буна белә ҹаваб верәҹәм – мән вә һөкумәт бунун реал олмасы үчүн бүтүн сәјләри ҝөстәрәҹәјик. Биз үмид едирик ки, делимитасија ишләри сүлһ мүгавиләси имзаланана гәдәр тамамланаҹаг. Бу нә дәрәҹәдә реалдыр? Нәзәрә алсаг ки, Прагада 1991-ҹи илин сәрһәдләри әсасында баш тутаҹағы илә бағлы разылыға ҝәлмишик, бу, реал ола биләр, чүнки бу сәрһәдләр әсасән мәлумдур”, - дејә баш назир вурғулајыб.
О бунунла белә гејд едиб ки, Дағлыг Гарабағ ермәниләринин һүгуглары вә мүдафиәси үчүн мүәјјән механизмләр олмалыдыр.
Өз нөвбәсиндә Ермәнистан парламентинин спикери Ален Симонјан да Азәрбајҹанла сүлһ мүгавиләсинин тезликлә имзаланмасыны истәјиб.
Бу барәдә мәтбуат брифингиндә билдириб
“Һәр ики тәрәфин бунунла бағлы истәкләри вар. Мән дә истәјирәм ки, сүлһ мүгавиләсини тезликлә имзалајаг. Лакин Ермәнистан Республикасынын 29 мин 800 квадрат километр әразиси бизим үчүн һеч вахт мүзакирә мөвзусу ола билмәз. Вә мәним фикримҹә, сүлһ мүгавиләси мүмкүн гәдәр тез имзаланмалыдыр”, - дејә Симонјан билдириб.
Спикер вурғулајыб ки, Азәрбајҹан гошунлары Ермәнистан Республикасынын бејнәлхалг сәвијјәдә танынмыш әразисиндән дәрһал чыхарылмалыдыр.
342/
