Әмир-Сәид Ирәвани бу мәктубда Украјнанын Иранын һәмин өлкәдә ҝедән ҹари мүһарибәдәки тәрәфсиз мөвгејини ҝөрмәмәзлијә вурмағы, һәмчинин сүбут едилмәмиш информасијалар әсасында јанлыш мөвгетутмалар вә иддиалары давам етдирмәсиндән тәәссүфләниб.
Ирәвани гејд едиб ки, Украјна 2231 сајлы гәтнамә вә Иран әлејһинә әсассыз иддиалары әлагәләндирмәк саһәсиндә сијаси мәгсәдләр ҝүдүр.
Иран Ислам Республикасынын БМТ-дәки даими нүмајәндәси сонра савашда ади силаһлардан истифадә мәсәләсинин БМТ Тәһлүкәсизлик Шурасынын 2231 сајлы гәтнамәсинин Б әлавәсилә әлагәси олмајан дәлилләрә диггәт чәкиб: Тәһлүкәсизлик Шурасынын 2231 сајлы гәтнамәсинин Б әлавәсинин алтынҹы параграфында гејд олунан мәһдудијјәтләр 2020-ҹи илин октјабрында баша чатды вә о замандан бәри Иранын силаһ вә онунла бағлы олан маддәләрин диҝәр өлкәләрә сатышы, көчүрүлмәси вә ја тәмини истигамәтиндәки аддымларындан һеч бири 2231 сајлы гәтнамә алтында олмајыбдыр.
Ирәвани Украјнанын 2231 сајлы гәтнамәнин Б әлавәсинин дөрдүнҹү параграфы барәдәки иддиасыны да бу параграфын руһу, һәмчинин гәтнамә барәдә гејри-дүзҝүн вә өзбашына бир шәрһ адландырыб.
Иран Ислам Республикасынын БМТ-дәки даими нүмајәндәси вурғулајыб: 2231 сајлы гәтнамәнин Б әлавәсинин дөрдүнҹү параграфы нүвә силаһына малик ракет системләринин инкишаф етдирилмәсилә бағлы технолоҝија, мал, тәҹһизат, маддәләр вә саир мәһдудијјәтләрә ачыг шәкилдә ишарә едир.
Иран Ислам Республикасынын БМТ-дәки јүксәк вәзифәли дипломаты әлавә едиб: Бунунла әлагәдар да Иран әсла, нә тәминедиҹи олуб, нә дә ки, нүвә силаһларынын инкишафына көмәк едәҹәк технолоҝија, мал, тәҹһизат, маддәләр вә саирлә тәминетмә нијјәтиндә дејил- хүсусән бунлара әсла еһтијаҹы олмајан нүвә силаһларына малик дөвләтләрлә бағлы.
Ирәвани сонда БМТ баш катибиндән истәјибдир ки, Украјна савашы илә бағлы 2231 сајлы гәтнамәдән һәр һансы суи-истифадәнин гаршысыны алсын.
342/
