Беларус президенти иддиа едиб ки, Зеленскијә мүнагишәни сона чатдырмаг үчүн данышыглар апармағы гадаған едибләр.
О Американын "НБҸ" телеканалына мүсаһибәсиндә дејиб: "Украјнада мүнагишәни дајандырмаг, данышыглара гајытмаг лазымдыр. Зеленскијә данышыглар апармағы гадаған едибләр. О, мүстәгил дејил. Һәр ҝүн минләрлә инсан өлүр. Мүлкиләр дә дахил олмагла, һеч бир ҝүнаһы олмајан инсанлар өлүр. Бу доғрудур. Она ҝөрә дә, ҝәлин бу мүнагишәни дајандыраг", дејә Лукашенко билдириб.
Беларус президенти вурғулајыб ки, "мүһарибә һәмишә писдир".
Лукашенко гејд едиб: "Бу јахынларда демишәм ки, инди дүнја проблемлә мәшғулдур вә ҝүнаһкар кимдир суалына ҹаваб ахтарыр. Гулаг асын, кимин ҝүнаһкар олдуғуну сонра мүәјјән едәрик. Һәр ҝүн инсанлар өлүр. Ҝәлин, мүһарибәни дајандыраг вә бир разылашаг. Сонра кимин һаглы, кимин һагсыз олдуғуну мүәјјән едәрик. Јәгин ки, бу, дүзҝүн формуладыр".
Президент Украјнада ашкар едилән мүлки шәхсләрин күтләви мәзарлығы илә бағлы суалы да ҹавабландырыб.
"Билирсиниз, информасија мүһарибәси ҝедир. Украјналылар күтләви мәзарлыглардан, Русија тәрәфинин ҹинајәтләриндән данышырлар. Русија тәрәфи дә Украјна тәрәфинин күтләви ҹинајәтләрини ејни шәкилдә ортаја гојур. Бир-биринә гаршы ади информасија һүҹумудур", - дејә Лукашенко вурғулајыб.
342/
