Еммануел Макрон јерли телевизијаја мүсаһбәсиндә Ермәнистан-Азәрбајҹан мүнагишәси барәдә данышаркән Азәрбајҹанын әлејһинә сәрт иттиһамлар сәсләндириб.
Франса президенти биз Ермәнистаны тәк гојмајаҹағыг, бизим дәјәрләримизи нә нефт, нә дә газла алмаг олмаз дејиб вә гејд едиб ки, Ермәнистанын Франса илә хүсуси әлагәләри вар.Франса президенти Азәрбајҹанын Гарабағ әразисини мүбаһисәли әрази адландырыб:"Ики ил әввәл бејнәлхалг сәвијјәдә танынмајан вә мүбаһисәли әрази олан Дағлыг Гарабағда мүһарибә олуб, лакин Гарабағ бу өлкәнин үрәјиндә олдуғу үчүн Ермәнистан Гарабағда олуб. Азәрбајҹан чохсајлы гурбанлары вә амансыз сәһнәләри илә дәһшәтли мүһарибәјә башлады вә бу әразини ишғал етди",-дејә Макрон билдириб.Азәрбајҹан Республикасы Милли Мәҹлисинин бу ҝүн кечирилән пленар иҹласында парламентин Реҝионал мәсәләләр комитәсинин сәдри Сијавуш Новрузов мәрһум пресидент Һејдәр Әлијевин Франсанын ермәниләри дәстәкләдијинә ҝөрә Минск Групуна һәмсәдри ола билмәмәси барәдә бәјанатыны хатырладыб: Лазым ҝәләрсә, Франса илә бүтүн дипломатик әлагәләр кәсилмәлидир. Депутан Азәрбајҹанын әрази бүтөвлүјү мәсәләси БМТ-дә мүзакирәјә чыхарыланда гәрб дөвләтләринин о ҹүмләдән Франсанын она сәс вермәдијини дә хатырладыб.
Милли Мәҹлисин Һүгуг сијасәти вә дөвләт гуруҹулуғу комитәсинин сәдр мүавини Гүдрәт Һәсәнгулијев дејиб: Ермәнистана виҹдансыз дәстәјинә ҝөрә Франса бирбаша мәсулијјәт дашыјыр. Сенат Азәрбајҹана гаршы 15 нојабрда гәтнамә гәбул етмәјә һазырлашыр. Белә гәтнамә гәбул едилсә, Азәрбајҹан Франсадакы сәфирини ҝери чағырмалы, дипломатик мүнасибәтләрә јенидән бахылмалыдыр”.
Гүдрәт Һәсәнгулијевин тохундуғу гәтнамәдә Азәрбајҹан "чохсајлы тәҹавүзкар һәрәкәтләрдә" иттиһам едилир; Азәрбајҹандан Лачын дәһлизиндән чыхмаг тәләб едилир; Азәрбајҹан "иргчиликдә" иттиһам едилир; Азәрбајҹан ермәниләрин Гарабаға ҝери гајытмаг "һаггынын" тәмин едилмәсинә чағырылыр; Азәрбајҹан Гарабағдакы "ермәни мәдәни вә дини ирсинин" горунуб-сахланылмасына чағырылыр; Франса һакимијјәти Бејнәлхалг Ҹинајәт Мәһкәмәсиндә "күтләви ҹинајәтләр вә һәрби ҹинајәтләр" төрәдилмәсинә даир Азәрбајҹаны иттиһам едир вә истинтагын башладылмасына чағырыш едир; Франса һакимијјәти "Азәрбајҹандан идхал едилән газ вә нефтин ембарго едилмәсинин" Авропа Иттифагы мигјасында башладылмасына чағырыш едир; Франса һакимијјәти Гарабағдакы Азәрбајҹан әразиләриндә өзүнүн "һуманитар бүросуну" јаратмаға чағырылыр; Франса һакимијјәти Ермәнистанын һәрби потенсиалынын мөһкәмләнмәсинә чағырылыр.
342/
