Русија лидери МДБ Дөвләт Башчылары Шурасынын Астанада кечирилән иҹласында билдириб ки, Русија һәр заман Гарабағ дахил олмагла бүтүн мүнагишәләри низамламаға сәмими сәј ҝөстәриб.
Франса президенти Емануел Макрон дүнән јерли телевизијалардан биринә вердији мүсаһибәдә Русијаны Азәрбајҹан Республикасы вә Түркијәнин ојунуна дахил олмагда вә ҹәнуби гафгазда дестабилләшдириҹи рол ојнамагда иттиһам едиб:
“Бу ики ил әразиндә сәрһәддә нә баш верди? Орада 5 мин Русија һәрбчиси вар. Русија бу конфликтдән истифадә едәрәк, Азәрбајҹан вә Түркијәнин мүштәрәк ојунуна дахил олду, Ермәнистаны зәифләтмәк үчүн ора гајытды. Бурада баш верәнләр Русијанын дестабилләшдириҹи маневридир. Русија бизим һамымызы зәифләтмәк вә бөлмәк үчүн Гафгазда иғтишашлар јаратмаға чалышыр”,- Макрон дејиб.
Русија Хариҹи Ишләр Назирлијинин сөзчүсү Марија Захарова да Франса президенти Еммануел Макронун Русијанын Ермәнистан-Азәрбајҹан мүнасибәтләринин нормаллашмасы просесиндәки ролу илә бағлы ачыгламаларына мүнасибәт билдириб.
“Биз Е.Макронун Русијанын ҝуја Гарабағ мүнагишәсиндән Ҹәнуби Гафгазда сабитлији позмаг үчүн истифадә етмәси илә бағлы ачыгламаларыны кобуд вә гәтијјән гәбуледилмәз һесаб едирик. Бу ҹүр бәјанатлар Гәрбин Русијаја гаршы сијаси хәттинә ујғундур вә гаршыдурма мәнтигини Украјнадан постсовет мәканынын диҝәр һиссәләринә, о ҹүмләдән Ҹәнуби Гафгаза көчүрмәк ҹәһдләринә дәлаләт едир. Франса президентинин абсурд ујдурмалары Парисин реҝионда давамлы сүлһүн бәргәрар олмасына мараг ҝөстәрмәмәсиндән данышыр вә онун өлкәсинин бөлҝәдә конструктив рол ојнаја билмәсини шүбһә алтына алыр”,- Марија Захарова бәјанатында билдириб.
Русија ХИН сөзчүсү әлавә олараг дејиб: “Һәтта Бакы илә Ирәван арасында ҝәрҝинлик дөврүндә өзүнү стандарт сүлһ чағырышлары илә мәһдудлашдыран Франсадан фәргли олараг, Русија практики бахымдан мүнагишәнин һәллинә төһфә вериб. Азәрбајҹан, Ермәнистан вә Русија лидерләринин 10 нојабр 2020-ҹи ил тарихли үчтәрәфли бәјанатынын имзаланмасында өлкәмиз һәлледиҹи рол ојнајыб.
Марија Захарова Парисин Азәрбајҹан вә Ермәнистанла Русијанын мүнасибәтләринә зәрбә вурмаг ҹәһдләринин уғурсузлуға уғрајаҹағыны вурғулајыб вә бу ҹәһдләрин јалныз Франсанын реҝионда нүфузунун даһа да азалмасына ҝәтириб чыхараҹағыны хатырладыб.
342/
