Сејид Ибраһим Рәиси азәрбајҹанлы һәмкары илә ҝөрүшдә дејиб ки, Азәрбајҹан Республикасы Иран Ислам Республикасынын гоншулары ичәрисиндә Иран үчүн чох ваҹиб тәрәфдашдыр.
Өлкәләримиз арасында игтисади-тиҹари әлагәләрин сәвијјәсиндән мәмнунлуғуну билдирән Иран президенти дејиб ки, Иранын Азәрбајҹанла әмәкдашлығы һәртәрәфли инкишаф етдирмәк үчүн ҹидди нијјәти вар.
Рәиси сонра Иран вә Ермәнистанын тарихи сәрһәдләриндә, реҝионун ҝеосијасәтиндә вә транзит маршрутунда истәнилән дәјишиклији рәдд едиб вә билдириб ки, Иран бу мәсәләдә гәтијјәтлидир.
Иан президенти һәмчинин Авропанын һәр һансы пәрдә алтында реҝионда һәрби мөвҹудлуғунун әлејһинә чыхыш едиб.
Азәрбајҹан президенти Илһам Әлијев исә өлкәсинин мүстәгил хариҹи сијасәт һәјата кечирдијини вурғулајараг, бу ил сентјабрын 12-13-дә Ермәнистанын реҝионал вәзијјәти ҝәрҝинләшдирмәк истигамәтиндә тәхрибатлар төрәтдијини диггәтә чатдырыб. Һазырда Ҹәнуби Гафгазда сүлһ гуруҹулуғу просесләринин ҝетдијини дејән дөвләт башчысы билдириб ки, Азәрбајҹан ирәли сүрдүјү 5 принсип әсасында Ермәнистанла сүлһ мүгавиләсинин имзаланмасыны тәклиф едиб вә Ермәнистан тәрәфиндән сијаси ирадә ҝөстәриләҹәји тәгдирдә, бу истигамәтдә ирәлиләјишә наил олмаг мүмкүндүр.
Ҝөрүшдә Иранла Азәрбајҹан арасында Ағбәнд көрпүсүнүн ачылышынын һәм рәмзи, һәм дә бөјүк практики әһәмијјәтинин олдуғу гејд едилиб.
342/
