"Дүнјанын һәр јериндә, хүсусән дә јашадығымыз бөлҝәдә, јәни әрәб вә ислам өлкәләринин дә дахил олдуғу Јахын Шәргдә мүсәлманлар сон әсрләрдә ҹидди зәифлијә мәруз галыблар. Динин әсас гајнагларындан истифадә едилмәмәси мүсәлманларын ҝери галмасына вә тәрәггинин олмамасына сәбәб олмушдур. Ислам өлкәләри вә халглары арасында баш верән мүнагишәләр онлары зәифләдиб".
О, билдириб ки, әслиндә динләр арасында јахынлашмаја неҹә бахдығымызы ҝөрмәлијик. 100 ил габаг әсас проблем мәзһәбләр, хүсусән дә Имамијјә һаггында мәлуматсызлыг иди. Јәни, Әһли-сүннә вә диҝәр мәзһәб алимләри Имамијјә мәзһәбинин бир чох әсасларындан хәбәрсиз идиләр. Буна ҝөрә дә 1950-ҹи илләрдән башлајараг шиә алимләри шиә әсәрләрини ҝениш чап етдирмәјә башладылар.
Елми һөвзәнин бу устады вурғулады: "Бу ҝүн бизә лазым олан Ислам мәзһәбләри арасында сүлһ шәраитиндә бирҝә јашајыш јаратмагдыр. Һәр бир мәзһәбин өзүнәмәхсус фигһ вә теоложи принсипләри вә шәриәт һөкмләри вардыр. Бәзи инсанларын дүшүндүјү кими јахынлашма мүмкүн дејил вә динләр арасында динҹ јанашы јашамаг лазымдыр. Бирҝә јашамаг гаршы тәрәфи гәбул етмәк, диалог каналлары ачмаг, гаршы тәрәфин дүшүнҹәләрини вә истәкләрини гәбул етмәкдир. Һәмчинин тәкфир едиб өлдүрмәмәк демәкдир, бизә лазым олан будур ки, бу мәзһәбләр даһа јахшы һәјат вә ҝәләҹәк үчүн бирликдә чалышсынлар".
Бәһр әл-Улум сонда деди: "Милјонларын бөјүк Әрбәин јүрүшү Имам Һүсејнин (ә) һәјат вә үсулларыны дүнјаја танытдыра биләр. Фикримҹә, Имам Һүсејнин (ә) һәрәкаты бәшәријјәт үчүн шәраитин јахшылашдырылмасы истигамәтиндә дәјишикликләрә зәмин јаратмаг габилијјәтинә маликдир".
342/
