Британија баш назиринин офиси бир бәјанатда, Лиз Труссун бунунла бағлы бир нечә саат сонра кечириләҹәк Једдилик Групу лидерләринин виртуал ҝөрүшү заманы мүраҹиәт едәҹәјини ачыглајыб.
Бәјаната әсасән, Труссын тәләбинин сәбәби Русијанын Украјнаја һүҹумларынын артмасына гаршы мүттәфигләрин ирадәсини тәмин етмәкдир.
Бу елә бир һалдадыр ки, Британијанын баш назири бир нечә саат әввәл президент Зеленски илә Кијевә едилән сон һүҹумлары вә Украјна әразиләринин илһагыны писләмәк вә Британијанын дәстәјини тәкрарламаг үчүн телефонла данышыб.
Бәјанатда дејилир ки, Ҝ7 лидерләри Украјнада давам едән мүһарибәјә гаршы мүхалифәтин бирлијини тәкрар етмәк үчүн бу ҝүн (11 октјабр чәршәнбә ахшамы) ҝөрүшәҹәк.
Видеоконфранс форматында кечириләҹәк бу топлантыја Украјна президенти Зеленски дә гатылаҹаг.
Дәрҹ едилән мәлуматлара әсасән, Русијанын базар ертәси Украјнаја ендирдији һава зәрбәләри мүһарибә башлајандан бәри ән ҝениш јајылмыш һава һүҹумлары һесаб едилир.
Бу һүҹумлар шәнбә ҝүнү саат 6 радәләриндә Таман јарымадасы тәрәфдән Крым көрпүсүнүн автомобилләр үчүн нәзәрдә тутулмуш һиссәсиндә јүк машынынын партламасындан сонра баш вериб.
Бу партлајышда Крым јарымадасына доғру һәрәкәт едән гатардакы 7 јанаҹаг чәни јаныб.
Русија 2014-ҹү илдә Крымы өз әразисинә илһаг етдикдән сонра бу көрпүнүн тикинтисинә башламышды. Керч боғазы үзәриндәки бу көрпү хүсусилә Русија ордусунун һәрби техникасынын өтүрүлмәси үчүн истифадә олунур.
Бу көрпүнүн символик вә лоҝистик бахымдан әһәмијјәти аналитикләрин бу партлајышы Украјнадакы мүнагишәләр јолунда һәлледиҹи һадисәләрдән бири һесаб етмәләринә сәбәб олуб.
342/
