"Әл-Әрәби Әл-Ҹәдид" порталынын мәлуматына ҝөрә, ишғалчы Исраил гүввәләри ардыҹыл базар ертәси ҝүнү Шүәфат гачгын дүшәрҝәси вә Әната шәһәрини мүһасирәјә алыб. Дүшәрҝә сакинләринин дедијинә ҝөрә, бу мүһасирә онларын мәнафејинә чохлу зијан вуруб, чүнки јүзләрлә тәләбә, фәһлә вә гуллугчуларын мәктәбләринә вә ишләринә ҝетмәсинә мане олуб. Бундан әлавә, сионист әсҝәрләр дүшәрҝәнин вә Әната гәсәбәсинин ҝиришиндәки кечид мәнтәгәләринә чатмаға чалышан һәр кәси ҝүлләләмәклә һәдәләјәрәк, тибб ишчиләринин вә хәстәләрин хәстәханалара чатмасынын гаршысы алырлар.
Ишғал олунмуш Гүдсүн шимал-шәргиндә јерләшән Әната шәһәри вә Шүәфат дүшәрҝәси базар ертәси ҝүнү сионист һәрбчиләрлә фәләстинлиләр арасында тоггушмалараын шаһиди олуб.
Бу, гаршыдурмаларын Гүдсүн мәркәзиндәки Әл-Исәвијјә вә Силван шәһәрләринә гәдәр узандығы, нәтиҹәдә бир ҝәнҹин метал ҝүллә илә јараландығы билдирилир.
Һәмчинин, базар ертәси сәһәр саатларында ишғал гүввәләри Гүдсүн шималында јерләшән Гәләндија һәрби кечид мәнтәгәсини бағлајыб.
Диҝәр тәрәфдән, "Шаһаб Неwс" хәбәр сајты базар ертәси ахшам саатларында ишғал олунмуш Гүдс шәһәриндә фәләстинли ҝәнҹләрлә сионист режим һәрбчиләри арасында шиддәтли гаршыдурма олдуғуну билдириб.
Јерли мәнбәләр фәләстинли ҝәнҹләрин автомобил тәкәрләрини јандырараг, ишғалчы гүввәләрә даш атдыгларыны, һәмчинин сионист әсҝәрләрин фәләстинлиләрә ҝөзјашардыҹы газ, дөјүш вә резин ҝүлләләри атдыгларыны билдирибләр.
Ики ҝүн әввәл Шуафат дүшәрҝәсинин ҝиришиндәки һәрби кечид мәнтәгәсиндә атышма заманы бир сионист әсҝәр өлүб, икиси исә јараланыб.
342/
