Бејнәлхалг медиалар хәбәр верибләр ки, бир груп франсалы мүтәфәккир, о сырадан 2022-ҹи илдә әдәбијјат үзрә Нобел мүкафаты алмыш франсалы јазычы Ани Ерно, халгы, ҝәлән һәфтә Франса президенти Еммануел Макрона гаршы кечирилмәси планлашдырылан нүмајишә гатылмаға чағырыб.
Араларында јазычы, режиссор вә университет мүәллимләринин адлары ҝөрүнән 69 шәхс бир мәктубда игтисади мәсафәләрин ҝенишләнмәси вә инфлјасијанын артмасына ҝәтириб чыхаран Макронун сијасәтләрини тәнгид едиб.
Бу груп «Де-Диманш» нәшриндә дәрҹ олунан мәктубунда јазыб: Макрон инфлјасијадан, халгын диҝәр бир групунун зәрәринә олан сәрмајә ҝәлирләрини артырмаг вә игтисади мәсафәләри даһа да ҝенишләндирмәк үчүн истифадә едир.
Мәктубун мәтниндә һәмчинин дејилир: Франса һөкумәти енержи гијмәтләринин артмасы илә мүбаризә үчүн јетәринҹә тәдбирләр ҝөрмәјиб вә јүксәк инфлјасијаја ҝөрә, хејли мәнфәәтләр әлдә едән ширкәтләрин верҝиләрини артырмагдан чәкинибдир.
Франсада инфлјасија ҝөстәриҹиси Украјна савашы башланандан сонра артса да, јенә дә, өтән ајларда Франсада инфлјасија ҝөстәриҹиси аврозонадакы диҝәр өлкәләрә нисбәтән ашағы олубдур.
Мәктубун алтына имза атанлар халгы он алты октјабрда кечирилмәси планлашдырылан нүмајишә гатымаға чағырыб.
Сол тәмајүллү «Јенилмәз Франса» партијасы бу аксијанын кечирилмәсинә чағырыш вериб. Аксијанын мөвзусу, «јүксәк јашајыш хәрҹләринә етираз» адландырылыбдыр.
342/
