Серҝеј Лавров Ваһид Русија Партијасынын Али Шурасынын дөрдүнҹү иҹласында видеомүраҹиәти заманы дејиб: "НАТО вә Авропа Украјнанын "һавасына ојнајыр" вә Зеленскинин нүвә силаһы да дахил олмагла бәјанатларына бахмајараг, Кијевә силаһ тәдарүк етмәјә давам едир. Русијанын иштиракы олмадан тәһлүкәсизлик структурунун формалашма просеси ҝедир. Үмумијјәтлә, онлар садәҹә олараг Кијевин чалдығы һаваја ојнајыр. Бунунла һәм АБШ, һәм дә мүттәфигләри Зеленскинин елан едилмиш нүвә амбисијаларына бахмајараг, ону силаһландырмагла бејнәлхалг ҝәрҝинлијин тәһлүкәли шәкилдә артмасына ҝөрә бөјүк мәсулијјәти өз үзәринә ҝөтүрүрләр".
Лавров әлавә едиб ки, Украјна күтләви гырғын силаһларындан истифадә илә бағлы рискләр јарадыр, буну Владимир Зеленскинин НАТО-нун Русија Федерасијасына "өнләјиҹи зәрбә" ендирмәси барәдә бәјанаты сүбут едир,
"Әлбәттә, биз нүвә силаһынын мүмкүн истифадәси илә бағлы сон вахтлар даим бөјүјән мүзакирәләрдән, хүсусән дә бу бахымдан, Кијев режиминин күтләви гырғын силаһларынын мүхтәлиф нөвләриндән истифадә рискләри јаратмагдакы мәгсәдјөнлү аддымларынын үзәриндән сүкутла кечә билмәрик", - дејә Лавров гејд едиб.
Бундан әввәл Зеленски Австралијадакы Лоуи Институтунда видеобағланты васитәсилә чыхыш едәрәк, "Русијанын нүвә зәрбәләрини ҝөзләмәкдәнсә, НАТО-нун Русија Федерасијасына "өнләјиҹи" зәрбәләр ендирмәли олдуғуну" билдирмишди. Даһа сонра Зеленскинин мәтбуат катиби Серҝеј Никифоров билдириб ки, о, Русија Федерасијасына гаршы нүвә силаһындан истифадәјә чағырыш етмәјиб, анҹаг габаглајыҹы санксијалары нәзәрдә тутур.
342/
