Һүсејн Әмир-Абдуллаһијан вә Пекка Һаависто дүнән ахшамчағы бир телефон данышығында икитәрәфли мүнсаибәтләрдәки сон вәзијјәт, санксијаларын ләғви үзрә мүзакирәләр, Украјна бөһраны, иғтишашчыларын суи-истифадәләри вә хариҹи үнсүрләрин Иранын дахили һадисәләриндәки мүдахиләләри әтрафында фикир мүбадиләси апарыблар.
Украјна бөһранына тохунан Әмир-Абдуллаһијан дејиб: Бәзи өлкәләрин Украјнаја һәрби көмәкләр ҝөстәрмәләринә рәғмән, Иран, мүһарибәдә Украјнанын әлејһинә истифадә үчүн Русијаја һеч бир силаһ ҝөндәрмәјиб вә буну етмәјәҹәкдир дә, чүнки Иран рәсмиләри бу гәнаәтдәдирләр ки, бу бөһранын һәлл јолу, сијасидир.
Әмир-Абдуллаһијан Иранын дахили һадисәләри барәдә дә данышыб: Иран Ислам Республикасында гадынларын һүгугларына диггәт, бизим үчүн бөјүк әһәмијјәтә маликдир вә һазырда гадынлар мүхтәлиф университет, елм, тибб, тәһсил, идарә вә технолоҝија саһәләриндә олдугҹа тәсирли рол ојнамагдадырлар.
О, гејд едиб: Иранда баш вермиш сон һадисәләрин бир һиссәси динҹ аксијалардыр ки, биз өлкәнин әсас ганунуна ујғун олараг, ону һимајә едирик. Амма бу арада, бәзи иғтишашчылар хариҹи истигамәтләндирмәләр вә хариҹи телеканалларын тәһрикләрилә иҹтимаи әмлакы дағыдыб, одлу вә сојуг силаһларла халга вә полисә һүҹум едибләр ки, бу һәрәкәтләр дүнјанын һеч бир јериндә гәбул едилмир.
Американын дахили олајлары вә АБШ конгресинин ишғал едилмәси маҹәрасына диггәт чәкән Әмир-Абдуллаһијан белә гејд едиб: Узун мүддәт Америкада интернет халгын истифадәси үчүн кәсилди вә һәтта милли тәһлүкәсизлик әсасландырмасы илә Американын озаманкы президентинин шәхси виртуал сәһифәләри белә, бағланды. Ҝөрән, Авропа назирләр шурасы о заман ниҝаранчылыг ифадә етдими?
Финландијанын хариҹи ишләр назири Пекка Һаависто да бу телефон сөһбәтиндә санксијаларын ләғви үзрә мүзакирәләрин сон дурумуну ешитмәкдән мәмнунлуг вә тәрәфләр арасында тезликлә разылашманын һасил олаҹағына үмидварлыг ифадә едиб.
Украјна бөһранына ишарә едән Һаависто, Русијанын һәрби һәрәкәтләрини БМТ низамнамәсинә зидд адландырыб.
Өз сөһбәтиндә Әфганыстан мәсәләсинә дә јер ајыран Финландијанын хариҹи ишләр назири Иран Ислам Республикасынын әфган дидәрҝин вә мигрантлара ев саһиблији етмәк саһәсиндәки конструктив ролуну јүксәк гијмәтләндириб. Үмидварлыг едибдир ки, Иран Ислам Республикасы дөвләти өз нүфузундан истифадә етмәклә Талибан-ы гадын һаглары да дахил олмагла инсан һүгугларына риајәтә тәшвиг едәҹәк.
