Пашинјан өз Тwиттер микроблогунда белә јазыб: "Азәрбајҹан јенә дә мүсбәт ҹаваб вермәди. Ермәнистан суверенлијимизә вә ганунвериҹилијимизә там һөрмәт шәраитиндә бүтүн реҝионал коммуникасијаларын ачылмасына һазырдыр", -
Гејд едәк ки, Азәрбајҹан тәрәфи сәнәдләри вә јүкләри јохламадан Зәнҝәзур дәмир јолунун вә автомобил нәглијјат дәһлизинин ачылмасында исрарлыдыр, рәсми Ирәван исә өлкәјә ҝәлән әҹнәбиләр үчүн үмуми әсасларла Ермәнистанын бүтүн јолларынын Азәрбајҹан јүкләри вә сәрнишинләри үчүн ачылмасы тәклифини ирәли сүрүб. Бакы белә тәклифи рәдд едир.
Ермәнистанын хүсуси тапшырыглар үзрә сәфири Едмон Марукјан өз Фаҹебоок һесабында Пашинјанын Әлијев, Франса вә Авропа Иттифагы лидерләрилә Прага ҝөрүшүнү өлкәнин хариҹи сијасәтинин уғуру адландырыб.
Онун сөзләринә ҝөрә, рәсми гәбул олунмуш сәнәдләрә әсасән Азәрбајҹан сәрһәд бојунҹа јерләшәҹәк Авропа Иттифагы мүлки миссијасы илә әмәкдашлыға разылыг вериб. "Азәрбајҹанын мүмкүн јени тәҹавүзү јериндәҹә изләниләҹәк. Бундан әлавә, Ермәнистанын суверен әразисинин артыг ишғал олунмуш һиссәси дә гејдә алынаҹаг", - сәфир вурғулајыб.
Марукјанын фикринҹә, ҝөрүшүн даһа бир мүһүм нәтиҹәси одур ки, Бирләшмиш Милләтләр Тәшкилаты Низамнамәсинә вә Алма-Ата бәјаннамәсинә ујғун олараг Ермәнистанын сәрһәдләрини танымаға разылашан Азәрбајҹан Силаһлы Гүввәләри инди ишғал едилмиш әразиләрдән чыхмалыдыр”, - сәфир билдириб.
Гејд едәк ки, дүнән Илһам Әлијев вә Никол Пашинјан Прагадакы ҝөрүшдә Бирләшмиш Милләтләр Тәшкилаты Низамнамәсинә вә Алма-Ата бәјаннамәсинә садиг олдугларыны вә бунун васитәсилә һәр ики тәрәфин бир-биринин әрази бүтөвлүјүнү вә суверенлијини таныдығыны тәсдигләјибләр. Онлар тәсдигләјибләр ки, бу, делимитасија комиссијаларынын иши үчүн әсас олаҹаг вә бу комиссијаларын нөвбәти иҹласы октјабрын сонунадәк Брүсселдә кечириләҹәк.
342/
