бу фикри октјабрын 6-да Прагада сәфәрдә олан президент Илһам Әлијев Авропа Иттифагы Шурасынын президенти Шарл Мишел илә ҝөрүшүндә дејиб.
Дөвләт башчысы Азәрбајҹанын Брүссел форматыны дәстәкләдијини гејд едиб.
Гејд едәк ки, ҝәлән ај Брүсселдә Азәрбајҹан, Ермәнистан вә АИ Шурасы лидерләринин үчтәрәфли ҝөрүшү кечириләҹәк.
Хатырладаг ки, президент Илһам Әлијев Авропа Иттифагы Шурасынын президенти Шарл Мишелин вә Чех Республикасынын баш назири Петр Фиаланын дәвәти илә “Авропа сијаси бирлији” Зирвә Топлантысында иштирак етмәк үчүн Прагада сәфәрдәдир.
Прагада Азәрбајҹан президенти, Авропа Иттифагы (АИ) Шурасынын президенти, Франса президенти вә Ермәнистанын баш назири Никол Пашинјан арасында дөрдтәрәфли ҝөрүш дә кечириләҹәк. Бу барәдә Ермәнистан баш назири Никол Пашинјан парламентдә "Һөкумәт сааты"нда билдириб. Ҝөрүш Авропа Сијаси Бирлијинин саммити чәрчивәсиндә кечириләҹәк.
Азәрбајҹан вә Ермәнистан лидерләринин сонунҹу ҝөрүшү бу илин августун 31-дә Брүсселдә баш тутуб.
Бу арада Брүссел илә Москванын васитәчилик мәсәләсиндә рәгабәт һалында олдуглары билдирилир.
Русија ХИН-ин сөзчүсү Марија Захарова дејиб ки, Русијанын сүлһ мүгавиләсинин бағланмасы илә бағлы һәртәрәфли тәклифләри Ермәнистан вә Азәрбајҹана тәгдим едилиб.
Онун сөзләринә ҝөрә, Русија онун мүттәфиги олан ики дөвләт арасында мүнасибәтләрин нормаллашмасына, сүлһ мүгавиләсинин һазырланмасына һәртәрәфли јардым едир вә ХИН-ин хүсуси нүмајәндәси Игор Ховајев бу мөвзуда мәсләһәтләшмәләр апармаг үчүн бөлҝәјә бир сыра сәфәрләр едиб.
Захарова гејд едиб ки, Русија практики ишлә мәшғулдур: "Русија буну һансыса тарих вә ја һансыса ҝөзәл формат үчүн дејил, конкрет нәтиҹәләри бирләшдирәҹәк шәкилдә едир. Русија һеч бир хүсуси реклам фәалијјәти илә мәшғул дејил, бунун алтында һеч нә јохдур. Сүлһ мүгавиләси мөвзусунун јүксәк һәссаслығыны нәзәрә алараг, давам едән данышыгларын тәфәррүатыны ачыг шәкилдә шәрһ етмәји јерсиз һесаб едирик. О ки галды Бакы вә Ирәванын мөвгејинә, бу суаллар даһа чох, онлара үнванланмалыдыр. Амма биз нәтиҹәјә көкләнмишик”, - дејә Захарова вурғулајыб.
342/
шәрһиниз
