Сон ҝүнләр вә һәфтәләрдә сионист режим һәрбчиләринин фәләстинлиләрә гаршы һүҹумлары шиддәтләниб. Сионист һәрбчиләр бир чох һалларда бирбаша атәш ачмагла фәләстинлиләри һәдәфә алырлар.
Сионист режим һал-һазырда гәрб саһилиндә вәзијјәтин ҝәрҝинләшмәсилә бағлы сон дәрәҹә горху вә дәһшәт ичиндәдир вә бөлҝәдә дуруму нәзарәт алтына алмаг үчүн әлиндән ҝәләни едир.
Әлмәјадин телеканалынын мәлуматына ҝөрә, Ҹенин шәһәриндәки мүгавимәт дөјүшчүләри шәнбә ҝүнү сионист һәрбчиләрә мәхсус олан Әлҹүмлә һәрби кечидини атәш вә партлајыҹы маддәләрлә һәдәфә алыблар.
Диҝәр тәрәфдән, ишғал олунмуш Гүдсдә јерләшән Силван рајонунун Ејнуллузә гәсәбәсинин сакинләри сионист һәрбчиләрин бу гәсәбәјә гаршы басгыны илә мүбаризә апарыблар.
Диҝәр бир хәбәрә әсасән, Бејт-Ләһмин шәргиндә јерләшән Тугу гәсәбәсиндә сионист гәсәбә сакинләрини дашыјан автобус, фәләстинләрин даш атмалары нәтиҹәсиндә хәсарәт алыб.
Һәмчинин гәсбкар сионист һәрбчиләр гәрб саһилиндә јерләшән Әл-Хәлил шәһәриндәки Јәта гәсәбәсинин шимал ҝирәҹәјини бағлајыблар. Онлар бир автомобили атәшә тутдугдан сонра ахтарыш әмәлијјатына башлајыблар.
342/
