УНАМА Твиттер месажында јазыб: "Талибан бүтүн әфганларын тәһлүкәсизлијини тәмин етмәк үчүн өһдәликләрини јеринә јетирмәлидир. Тәһсил гәрәзсиз вә зоракылыгдан азад олмалыдыр".
УНАМА башга бир твитиндә дә јазыб: БМТ аиләси бу гәзәби писләјир вә һәлак оланларын һамысына дәрин һүзнлә башсағлығы верир.
Дәрҹ едилән мәлуматлара ҝөрә, ҹүмә ҝүнү сәһәр саатларында Кабилин Дәшти-Бәрчи мәһәлләсиндәки Каж тәһсил мәркәзиндә камикадзенин һүҹуму нәтиҹәсиндә ијирмидән чох адам һәлак олуб, онларла инсан јараланыб.
Террор партлајышы мәктәблиләрин университетә гәбул имтаһаны үчүн мәшг етдији заман баш вериб.
Бу елә бир һалдадыр ки, Талибан групу әфган халгынын, хүсусән дә һәзарәләр вә шиәләрин тәһлүкәсизлијини тәмин едәҹәјинә сөз вермишди. Лакин Әфганыстанын мүхтәлиф бөлҝәләриндә, о ҹүмләдән Кабилдә баш верән иғтишашлар вә ганлы партлајышлар нәинки азалмајыб, онларн сајы һәтта артыбдыр.
Партлајышлара ҝөрә мәсулијјәти бир гајда олараг, ИШИД террор груплашмасы өз үзәринә ҝөтүрсә дә, Әфганыстанда ијирмидән чох террор груплашмасынын фәалијјәт ҝөстәрдији вә бу өлкәнин халгыны өз чиркин мәгсәдләри үчүн өлдүрдүјү билдирилир.
342/
