Кочарјан дүнән Ирәванда кечирдији мәтбуат конфрансында Тер-Петросјана белә ҹаваб вериб:
"Бирләшмә бир гајда олараг, јүксәк мәгсәдләрә чатмаг наминә баш верир. Гәләбәјә наил олмаг үчүн бирләширләр, тәслим олмаг үчүн јох”.
Кочарјанын сөзләринә ҝөрә, индики һакимијјәт әтрафында бирләшмәјә чағырыш анлашылмаздыр. О, әлавә едиб ки, Тер-Петросјанын гијмәтләндирмәләри илә гәтијјән разы дејил вә чәтин шәраитдә тәслим олмағын ваҹиблијинә инанмыр.
Икинҹи пресидент сонра өлкәдә һакимијјәтин дәјишдирилмәсинин ваҹиблијини вурғулајыб.
Кочарјан ону да дејиб ки, Гарабағын ҝәләҹәјинин ачары орада јашајан ермәниләрин әлиндәдир.
Бундан әввәл Ермәнистанын биринҹи президенти Левон Тер-Петросјан Иҹтимаи Телевизијаја мүсаһибәсиндә бир вахтлар Гарабағ проблеминин һәллинин ачарынын Русијанын әлиндә олдуғуну, инди исә Москванын өзүнүн чәтин вәзијјәтә дүшдүјүнү вә ачары итирдијини билдирмишди.
Екс-президентин сөзләринә ҝөрә, белә ҝөрүнүр ки, Гарабағ ермәниләринин елитасы Азәрбајҹан тәрәфи илә әмәкдашлыг едәҹәк вә тәдриҹән интеграсијаја разы олаҹаг. О, бундан ҹидди нараһат олдуғуну гејд едиб.
Бундан әввәл Ермәнистан Республикасынын екс-президенти Левон Тер-Петросјан Иҹтимаи Телевизијаја мүсаһибәсиндә Ермәнистаны чәтин вә ағрылы гәрарларын ҝөзләдијини билдириб. О, Азәрбајҹан вә Түркијә илә мүгавиләләрин имзаланмасынын зәрурилијини вурғулајыб. Кечмиш дөвләт башчысы һесаб едир ки, Ермәнистан Республикасынын вә Дағлыг Гарабағын кечмиш башчылары проблемин һәлли наминә ән аз ағрылы вариант сечмәк үчүн индики баш назирлә диалога башламалыдырлар.
342/
