Чинин хариҹи ишләр назири Ван И Нју-Јоркда БМТ Баш Ассамблејасынын 77-ҹи сессијасы чәрчивәсиндә АБШ-ын Дөвләт катиби Антони Блинкенлә ҝөрүшүндә дејиб ки, АБШ-ын Тајванла бағлы һәрәкәтләри Чинин суверенлијини вә әрази бүтөвлүјүнү позмаг ҹәһдидир.
Назир Тајван мәсәләсинин Чинин дахили иши олдуғуну билдирәрәк, АБШ-ын онун һәллинә мүдахилә етмәк һүгугунун олмадығыны гејд едиб. О, һәмчинин Тајванын мүстәгиллик истәјинин сүлһ јолу илә низамланма еһтималыны ҹидди шәкилдә азалтдығыны әлавә едиб.
“Сүлһ јолу илә низамланма Тајванын мүстәгиллији илә бир араја сығмыр”, - дејә ХИН рәһбәри вурғулајыб.
Хатырладаг ки, Ван И бундан әввәлки бәјанатында 1,4 милјарддан чох чинлијә дүшмән олмағын сонунун һеч дә јахшы битмәјәҹәји илә бағлы АБШ-а хәбәрдарлыг етмишди.
342/
