Иран Нефт Назирлијиндән билдирибләр ки, јахын вахтларда Азәрбајҹан васитәсилә Русија газынын суткада 6 вә 9 милјон кубметр һәҹминдә своп мүгавиләси вә алышы һәјата кечириләҹәк.
Нефт Назирлијинин иҹтимаијјәтлә әлагәләр хидмәти "13-ҹү һөкумәтдә Нефт Назирлијинин бир иллик фәалијјәт һесабаты" адлы һесабатда Иран Милли Нефт Ширкәти илә Русијанын Газпром ширкәти арасында 40 милјард долларлыг анлашма меморандуму мәсәләсинә ајдынлыг ҝәтириб.
Мәлумата ҝөрә, јахын вахтларда ҝүндә 6 милјон кубметр газын Русијадан дәјишдириләрәк Иранын ҹәнубундан маје газ шәклиндә ихраҹ едилмәсинә даир разылыг әлдә олунуб.
Һәмчинин Иран Азәрбајҹан васитәси илә 9 милјон кубметр Русија газы алмаға һазырлашыр.
Иранын Пакистан вә Омана газ ихраҹ бору кәмәринин тикинтиси вә Иранын маје газ лајиһәләринин баша чатдырылмасы да Русијанын “Газпром” ширкәти илә имзаланмыш диҝәр мүгавиләләр сырасындадыр
Хатырладаг ки, Иран Ислам Республикасы Түркмәнистан газынын да Азәрбајҹана своп үсулу илә нәглиндә иштирак едир вә бу барәдә разылыг өтән илин сонларына Ашгабадда әлдә олунуб. Разылыға әсасән Түркмәнистандан һәр ил 2 милјард кубметр мави јанаҹаг Азәрбајҹан Республикасына дашыныр.
342/
