О, билдириб: Ислам Ингилабынын Бөјүк Рәһбәринин мүзакирәләр просесинин давам етдирилмәсилә паралел сурәтдә санксијалары тәсирдән салмаг саһәсиндә чәкдикләри хәтләр өлкә президенти тәрәфиндән дә вурғуланыр вә хариҹи ишләр назирлији там гүдрәт вә ҹиддиликлә бу истигамәтдә һәрәкәт едир.
Дүнән Рәһбәрлик Хүбреганы Мәҹлисинин онунҹу сессијасында иштирак едән Һүсејн Әмир-Абдуллаһјан халг дөвләтинин бир ил фәалијјәти дөврүндә Иран Ислам Республикасынын хариҹи сијасәт наилијјәтләри, һәмчинин сон сијаси вә бејнәлхалг һадисәләр барәдә мәлумат тәгдим едиб вә Хүбреган Мәҹлиси үзвләринин суалларыны ҹавабландырыб.
О, бу јығынҹагда бејнәлхалг аренадакы ојунчуларын кәмијјәт вә кејфијјәт ҹәһәтдән дәјишиклијә уғрамалары вә бу аренада һөкумәт вә гејри-һөкумәт фәалларынын сајынын артмасына ишарә илә дејиб: Американын Иран Ислам Республикасынын иштиракы олмадан реҝионда јени сијаси-тәһлүкәсизлик тәртибаты јаратмаг мәгсәдли бүтүн ҹәһдләри уғурсуз галыб.
Әмир-Абдуллаһјан гејд едиб ки, һеч бир тәрәф истәнилән реҝионал сијаси-тәһлүкәсизлик тәртибатында Иран Ислам Республикасынын ролу вә мүһүм мөвгејини ҝөрмәмәзлијә вурмаға гадир дејилдир.
Дүнјанын мүхтәлиф ҹоғрафи бөлҝәләриндә хејли сајда бөһран мәркәзләринин варлығы, һәмчинин бејнәлхалг гурулушун сәбатсыз вә дәјишкән маһијјәти вә бејнәлхалг аренанын һазыркы шәраитини дајаныгсыз адландыран Иранын хариҹи ишләр назири вурғулајыб: Белә бир шәраитдә Иран Ислам Республикасы тәлатүмлү бејнәлхалг океанда асајишә малик олан бир ҝәмидир.
342/
