Владивостокда кечирилән Шәрг Игтисадијјат Форумунун пленар иҹласында чыхыш едән Ермәнистан баш назири Николбәзи гүввәләрин Ермәнистан һакимијјәтини һәддән артыг гәрбпәрәст, ја да русјөнүмлү кими тәгдим етмәјә чалышдығыны билдириб: “Һәмин гүввәләр бу һәрәкәтләри илә реҝионумузда вәзијјәти де-стабилләшдирмәк истәјирләр”,- Ермәнистанын баш назири дејиб.
Пашинјан билдириб ки,Ермәнистан Русијанын дәстәји илә Түркијә илә мүнасибәтләрин нормаллашмасына үмид едир.
О гејд едиб ки, Ҹәнуби Гафгазда коммуникасијаларын ачылмасы үзрә Үчтәрәфли Комиссијанын ишиндә ирәлиләјиш вар: “Үмид едирик ки, бу мәсәлә Русијанын дәстәји илә һәлл олунаҹаг”.
Пашинјан һәмчинин өлкәсинин Азәрбајҹанла сәрһәдләрин ачылмасында мараглы олдуғуну дилә ҝәтирәрәк бу просесин дә Русијанын дәстәји илә баша чатдырылмасыны арзулајыб.
Онун сөзләринә ҝөрә, Ермәнистан Азәрбајҹан әразисиндән, Азәрбајҹан исә Ермәнистан әразисиндән кечмәклә нәглијјат маршрутлары әлдә едәҹәк вә бу, бејнәлхалг тиҹарәт јоллары үчүн јени имканлар демәкдир.
“Бу глобал лајиһәнин һәјата кечирилмәси реҝион дөвләтләри, еләҹә дә Иран, Түркијә, Русија вә Узаг Шәрг өлкәләри үчүн чох ваҹибдир”, - Пашинјан вурғулајыб.
342/
