Ҝенерал-мајор Һүсејн Сәлами бу ҝүн Мәшһәддә кечирилән бир конфрансда чыхыш едиб.
Ислам Ингилабы Кешикчиләри Корпусу СЕПАҺ-ын баш команданы чыхышында дејиб: "Бу ҝүн АБШ артыг бөлҝәдәки планларыны һәјата кечирә билмир вә планлары мүтләг мәғлубијјәтә уғрајыр".
Ҝенерал-мајор Сәлами әлавә едиб: "Биз бир чох технолоҝијалар саһәсиндә биринҹи јердәјик вә һәтта бәзи суперҝүҹләр бизим силаһларымызы алыр вә бирҝә әмәкдашлыг тәклиф едирләр. Һава һүҹумундан мүдафиә системләри саһәсиндә биз дүнјанын үстүн дөвләтләрини ҝеридә гојдуг".
Селами хариҹи ҝүҹләрин бу торпагларда тәкәббүр ҝөстәрдији фәсилләрин ҝеридә галдығыны билдирәрәк, дејиб: "Бүтүн бунлар хариҹиләрдән һеч бир ҝөзләнтимизин олмамасындан ирәли ҝәлир".
"Биз мүасир технолоҝијалар истеһсал вә истифадә едирик вә ҝүҹлү олдуғумуз үчүн һеч бир мүһарибәдән нараһат олмаг лазым дејил", - дејә СЕПАҺ-ын баш команданы гејд едиб.
О, вурғулајыб: "Санксијалары давам етдирсәләр үзүлмәјәҹәјик, чүнки хариҹиләрдән һеч бир дәстәк ҝөзләмирик".
Дүшмәнин рәһм етмәдијини дејән ҝенерал-мајор Селами, әлавә едиб: "Дүшмән индијә гәдәр бизә гаршы баҹардығыны едиб. Ҝүҹүмүз олмасајды, бизә һүҹум едәрдиләр, амма ҝүҹлү олдуғумуз үчүн бизимлә үз-үзә ҝәлмәкдән гачырлар вә ҝүҹүмүз ҝүндән-ҝүнә артыр".
СЕПАҺ-ын баш команданы баш команданы даһа сонра дејиб: "Бу ҝүн силаһларымызын стасионар вә ја мобил һәдәфләрә диггәт сәвијјәси јүз фаиздир. ПУА-ларымыз сүни интеллектдән истифадә етмәклә истәнилән нөгтәни һәдәфә ала билир".
342/
