Ермәни иш адамы Рубен Варданјан Форбес-ә мүсаһибәсиндә Гарабағда вәзифә алмаг үчүн Ермәнистан ганунларына истинад едиб: “Дөвләт вәзифәсини тутмаг үчүн өлкәдә бир мүддәт јашамалы вә бу мүддәт әрзиндә башга вәтәндашлығыныз олмамалыдыр"- дејә Гарабаға ҝәлишинин мәгсәдинә ејһам вуруб.
Артсахда әсас вәзифәниз кими нәләри ҝөрүрсүнүз? Суалына Варданјан белә ҹаваб вериб:
“Гарабағда өлкәнин вә реҝионун тәһлүкәсизлијини ҝүҹләндирәҹәк ҝүҹлү игтисадијјата вә сосиал институтлара малик уғурлу ҹәмијјәтин гурулмасы үчүн шәраитин јарадылмасы. Вә бу мәнада мәним әсас функсијам өз тәҹрүбәмдән (һәм идарәчилик, һәм дә малијјә) вә әлагәләримдән, о ҹүмләдән данышыглар апармағы билән бир инсан кими имканларымдан истифадә етмәкдир ки, сон дәрәҹә чәтин вәзијјәт шәраитиндә дәрин узунмүддәтли мүнагишә нәтиҹәсиндә минләрлә илдир ермәниләрин Гарабағда јашадығы торпагларыны сахламасы үчүн һәр шеји едим.
Варданјан гоншуларла мүнасибәтләр гурмағын чәтин јолуна башламаға чалышаҹағыны да дејиб. “Мән һәмишә бирләшмәси мүмкүн олмајан шејләри бирләшдирән инсан олмушам”,- дејә ермәни милјардер билдириб.
Бу арада бәзи ермәни мәнбәләри Рубен Варданјанын арвадынын јәһуди олдуғуну да билдириб...
2011-ҹи илдән Р.Варданјан "Форбес" -ә ҝөрә Русијанын ән варлы адамлары рејтингинә дахилдир, 2020-ҹи илдә онун сәрвәти 950 милјон АБШ доллары дәјәриндә гијмәтләндирилиб.
Һәләлик рәсми Бакы Русија вә Ермәнистан вәтәндашы олан ермәни милјардерин Азәрбајҹан әразиләринә ганунсуз сәфәримә, орадакы тәхрибатчы планларыны да бәјан етмәсинә һеч бир мүнасибәт билдирмәјиб.
342/
