Јунаныстанын Мүдафиә Назирлији базар ҝүнү елан едиб ки, сон 24 саат әрзиндә Түркијә гырыҹылары вә пилотсуз тәјјарәләри тәрәфиндән бу өлкәнин һава мәканынын 57 дәфә позулмасы һалы баш вериб.
Мәлумата әсасән, бүтүн һаллар бејнәлхалг ганунлара әсасән, Јунаныстан Һәрби Һава Гүввәләри тәрәфиндән мүәјјән едиләрәк, изләнилиб.
Бу елә бир һалдадыр ки, Түркијә Милли Мүдафиә Назирлији базар ҝүнү билдириб ки, Јунаныстан сон сәккиз ајда Түркијәнин һава мәканыны вә әрази суларыны 1123 дәфә позуб.
Афина илә Анкара арасында ҝәрҝинлијин давамында Түркијәнин Әдаләт вә Инкишаф Партијасынын сөзчүсү Өмәр Челик дејиб ки, Јунаныстанын Түркије гырыҹыларыны нараһат етмәси тәһлүкәли нәтиҹәләрә сәбәб ола биләр.
Өмәр Челик хәбәрдарлыг едиб ки, бу позунтулара реаксија дүнјанын һеч вахт истәмәдији бир вәзијјәт јарадыр.
Челик, һәмчинин Гәрби кәскин шәкилдә тәнгид едәрәк, дејиб: "Түркијәни Русија истеһсалы олан С-400 һава һүҹумундан мүдафиә системи алдығына ҝөрә тәнгид едәнләр Түркијәнин Ф-16-ларына гаршы С-300-ләрдән истифадә едән Јунаныстана гаршы да сәсләрини уҹалтмалыдырлар".
342/
