Ирәванда нәшр олунан “Һрапарак” гәзети Варданјанын Русија вәтәндашлығындан имтина етдијини вә Ханкәндидә мәскунлашмаг гәрарына ҝәлдијини билдирир. Гәзет онун Ханкәндидә “ади статус”да олмајаҹағыны, “идарәетмә системи”ндә јер алаҹағыны иддиа едир.
Һәмин иддиаја ҝөрә, о, “дөвләт назири” тәјин олунаҹаг вә бу “пост”да Артак Бегларјаны әвәз едәҹәк.
“Һрапарак” Варданјанын сепаратчыларын башчысы Араик Арутјунјанла јахын әлагәдә олдуғуну да билдирир.
Гејд едәк ки, Рубен Варданјан ишғал дөврүндә һәмишә Азәрбајҹан әразиләриндәки сепаратчыларла әлагәдә олуб. О, Ливан, Сурија вә диҝәр өлкәләрдән ермәни аиләләринин ганунсуз шәкилдә Азәрбајҹанын ишғал едилмиш әразиләриндә јерләшдирилмәсинин әсас тәшкилатчыларындан вә малијјә мәнбәләриндән бири олуб. Анҹаг 44 ҝүнлүк мүһарибәдән өнҹә Азәрбајҹан торпагларына ҝәлмәјән бу ермәни милјардер сон ҝүнләр Русија сүлһмәрамлыларынын нәзарәтиндәки Ханкәндијә ҝәләрәк бөлҝәдә сепаратизми гызышдыраҹаг месажлар вермәјә башлајыб.
44 ҝүнлүк мүһарибәдә Азәрбајҹан Республикасынын өз торпагларыны ишғалдан азад етдијини билдирмәсинә рәғмән Ханкәнди вә Гарабағын бир һиссәси јерли гејри-гануни режимин нәзарәтиндәдир. Русија Сүлһмәрамлылары исә бу режимин тәһлүкәсизлијини тәмин едирләр. Рәсми Бакы рәсми гајдада сепаратчыларын Ермәнистанла давамлы әлагәсини тәмин едиб вә сон ҝүнләр онлар үчүн Азәрбајҹан Республикасы тәрәфиндән чәкилән јол вә дәһлиз истифадәјә верилмишдир.
342/
