бир нечә ҝүн әввәл Азәрбајҹан Республикасы президентинин көмәкчиси – Президент Администрасијасынын хариҹи сијасәт мәсәләләри үзрә шөбәсинин мүдири Һикмәт Һаҹыјев ачыгламышды ки, августун сонунда Авропа Иттифагы Шурасынын президенти Шарл Мишелин васитәчилији илә Брүсселдә Азәрбајҹан вә Ермәнистан лидерләринин ҝөрүшү баш тутаҹаг. Азәрбајҹан Президентинин көмәкчиси бу ҝөрүшдә Азәрбајҹан илә Ермәнистан арасында сүлһ сазишинин мәтнинин һазырланмасы илә бағлы ишчи групунун тәшкилинин разылашдырылаҹағына үмид етдијини билдирмишди.
Ермәнистан Баш Назир Апаратынын информасија вә иҹтимаијјәтлә әлагәләр шөбәсинин рәһбәри Армен Хачатрјан исә Фактор ТВ-нин суалына ҹаваб олараг садәҹә билдириб ки, өтән үчтәрәфли ҝөрүшдә тәрәфләрин мүзакирә етдији ҝүндәликдәки мәсәләләрлә бағлы мүзакирәләр давам етдириләҹәк.
Бу ил мајын 22-дә Брүсселдә кечирилән ҝөрүшдә реҝионал коммуникасијаларын блокланмасына јөнәлмиш ишләрин ҝәләҹәк ҝедиши, сәрһәдләрин демаркасијасы вә тәһлүкәсизлик мәсәләләри үзрә комитәнин ишинә башламасы, һабелә сәрһәдләрин демаркасијасы вә тәһлүкәсизлик мәсәләләрлә бағлы разылыг әлдә олунуб.
Ермәни мәнбәләрин билдирдијинә ҝөрә, сүлһ сазишинин әсас мәтни артыг һазырдыр вә һәр 3 тәрәф – Ермәнистан, Русија вә Азәрбајҹан һәмин мәтнлә танышдыр. Әсас фикир ајрылығы онунла бағлыдыр ки, Азәрбајҹан Гарабағ мәсәләсини һәлл олунмуш кими танымағы вә Азәрбајҹанын әрази бүтөвлүјүнү гејд-шәртсиз танымағы тәләб едир.
Лакин Русија Федерасијасы белә бунда мараглы дејил, она ҝөрә ки, бу мәсәлә һәлл олунарса, о заман Русија сүлһмәрамлы гүввәләри Гарабағдан чыхмалы олаҹаглар.
Азәрбајҹан Республикасы Ермәнистандан бир-биринин әрази бүтөвлүјүнүн танынмасыны, әрази иддиаларынын истисна едилмәсини, сәрһәдләрин мүәјјән едилмәсини, дипломатик мүнасибәтләрин гурулмасыны, коммуникасијаларын ачылмасыны тәләб едир.
342/
