сепаратчы гүввәләрин кечмиш команданы Шуша шәһәрини тәслим етмәкдә иттиһам олунур
Ермәнистанын Истинтаг Комитәси һесаб едир ки, ҝенерал Арзуманјан 2020-ҹи ил октјабрын 30-дан нојабрын 9-дәк Азәрбајҹан Силаһлы Гүввәләринин ҝенишмигјаслы һүҹуму заманы Шуша шәһәринин мүдафиәсинин тәшкилиндә сәһләнкарлыг нүмајиш етдириб.
Иттиһама ҝөрә, “Арзуманјан гошунлардан сәмәрәли истифадәни вә гаршыја гојулмуш тапшырыгларын јеринә јетирилмәсини тәмин етмәјиб”.
Гејд олунур ки, Арзуманјан нојабрын 6-да вердији һесабатда Шушада вәзијјәтин нәзарәт алтында олдуғуну иддиа етмишди, һалбуки артиг нојабрын 5-дә Азәрбајҹан гуввәләри шәһәрә дахил олмушдулар.
30 август 2022-ҹи илдә Микаел Арзуманјан ағыр нәтиҹәләрә сәбәб олан һәрби хидмәт сәһләнкарлығы илә иттиһам едилиб вә о, һәбс едилиб. Бу иттиһамла Арзуманјаны узунмүддәтли һәбс ҹәзасы ҝөзләјир.
Гејд едәк ки, Арзуманјанын һәбси Гарабағда наразылыға сәбәб олуб.
Сепаратчыларын лидери Арајик Арутјунјан өз сөзчүсү васитәсилә Арзуманјанын ҝүнаһсыз олдуну, ҹәми 12 ҝүн гошунларын команданы олдуғуну вә мүһарибәдә мәғлубијјәтә ҝөрә мәсулијјәт дашымадығыны бәјан едиб.
Ирәвандакы мүхалифәт дә ҝенералын һәбсини писләјиб, баш назир Пашинјаны өз сәһвләринә ҝөрә һәрбчиләри ҝүнаһландырмагда иттиһам едиб.
342/
