"Газпром" "Шимал ахыны" газ кәмәри илә Авропаја газ нәглини тамамилә дајандырыб. Бу барәдә корпорасијанын "Телеҝрам" каналында мәлумат верилиб.
Ширкәтин мәлуматында гејд олунуб ки, газ нәглинин дајандырылмасы "газ компрессор гурғусунда планлашдырылмыш профилактик ишләр"лә әлагәдардыр.
Хатырладаг ки, "Газпром" тәрәфдашларына насосун дајандырылмасы илә бағлы әввәлҹәдән хәбәрдарлыг етмишди. Верилән мәлумата ҝөрә, Авропа 2022-ҹи ил сентјабрын 3-ү, Москва вахты илә саат 04:00-а гәдәр "Шимал ахыны" илә мави јанаҹаг алмајаҹаг.
Милли Енержи Тәһлүкәсизлији Фондунун апарыҹы аналитики Игор Јушков дејиб ки, о, "Шимал ахыны" газ кәмәринин тамамилә бағланмасыны еһтимал етмир. Мүтәхәссис билдириб ки, бу вәзијјәт сонунҹу ишләјән турбинә техники бахышдан сонра әһәмијјәтли зәдәләнмә ашкар едилдикдә баш верә биләр.
Хатырладаг ки, Гәрб өлкәләри Украјнадакы вәзијјәтлә әлагәдар Русијаја гаршы бир нечә дәфә санксија пакетләри тәтбиг едибләр. Русија президенти Владимир Путин билдириб ки, Русијаны ҹиловламаг вә зәифләтмәк сијасәти Гәрбин узунмүддәтли стратеҝијасыдыр вә санксијалар бүтүн глобал игтисадијјата ҹидди зәрбә вуруб.
Онун сөзләринә ҝөрә, Гәрбин әсас мәгсәди милјонларла инсанын һәјатыны писләшдирмәкдир. О әлавә едиб ки, ҹари һадисәләр Гәрбин һәм сијасәтдә, һәм дә игтисадијјатда глобал һөкмранлығынын алтындан хәтт чәкир.
Путин гејд едиб ки, Русија тәҹрид олунмаг нијјәтиндә дејил, ону мүасир дүнјада сәрт шәкилдә тәҹрид етмәк олмаз.
342/
