АБНА24 Хәбәр Верир , Илһам Әлијев Ибраһим Рәисијә үнванладығы мәктубда Абаданда баш верән бәдбәхт һадисә илә бағлы кәдәрләндијини билдириб.
“Баш вермиш бу фаҹиә илә әлагәдар Сизә, һәлак оланларын аиләләринә вә јахынларына, бүтүн Иран халгына шәхсән өз адымдан вә Азәрбајҹан халгы адындан дәрин һүзнлә башсағлығы верир, јаралананлара шәфа диләјирәм”,- Илһам Әлијевин Иран президентинә үнванладығы мәктубда дејилир.
23 мајда Иранын Хузистан вилајәтинин Абадан шәһәринин Әмири күчәсиндә Метропол адлы тикилмәкдә олан 10 мәртәбәли бинанын бир һиссәси чөкүб. Һадисә нәтиҹәсиндә бу ҝүнәдәк өләнләрин сајы 31 нәфәрә чатыб. 38 нәфәр исә иткин дүшүб. Дағынтылар алтындан 32 нәфәрин хилас едилдији билдирилиб.
Рәсмиләр дағынтынын сәбәбинин арашдырылдығыны билдирибләр. Һадисә илә әлагәдар бир нечә нәфәр һәбс едилиб.
342/
31 may 2022 - 04:27
Xəbər kodu: 1262482
Азәрбајҹан Республикасы президенти Илһам Әлијев Иран Ислам Республикасы президенти Сејид Ибраһим Рәисијә үнванладығы мәктубда Хузистан вилајәтинин Абадан шәһәриндә бир бинанын чөкмәси нәтиҹәсиндә һәлак оланларла бағлы башсағлығы вериб.
