АБНА24 Хәбәр Верир , рус һәрбчиләри Славјанск шәһәри истигамәтиндә јенидән һүҹума кечмәјә һазырлашыр. Изјумун ҹәнуб һиссәсиндә исә әлавә топ артиллерија бөлмәләри јерләшдириб.
Украјна Силаһлы Гүввәләринин Баш Гәрарҝаһы билдириб ки, Донетск истигамәтиндә дүшмән Лисичанск вә Северодонетск шәһәрләрини мүһасирәјә алмаг, даһа сонра Луганск вилајәтинин инзибати сәрһәдинә чыхмаг үчүн һүҹум әмәлијјаты кечирмәјә һазырлашыр.
Бу арада Украјна президенти Владимир Зеленски дејиб ки, Крымын ишғалдан азад едилмәси Украјна ордусу үчүн ҹидди итки илә нәтиҹәләнә биләр.
“Әминәм ки, биздән јүзминләрлә итки ола биләр”, - дејә Зеленски билдириб.
Диҝәр тәрәфдән Пентагон рәһбәри Ллојд Остин Русија президенти Владимир Путинин Украјна илә бағлы үмуми стратеҝијасынын мәлум олмадығыны сөјләјиб.
О билдириб ки, Путин мүһарибәдә әввәлҹә үстүн ҝүҹүндән истифадә едәрәк тезликлә Кијеви ишғал етмәк вә Украјна һакимијјәтини дәјишдирмәји һәдәфләјирди, лакин бу план баш тутмады.
Американын мүдафиә назири ону да гејд едиб ки, 20 өлкә Украјнаја јени һәрби јардым пакетләри тәгдим етмәји өһдәсинә ҝөтүрүб. Бир чох өлкәләр артиллерија сурсатлары, саһил мүдафиә системләри, танклар вә диҝәр зиреһли машынлар верәҹәк. Диҝәрләри Украјна гүввәләринә тәлим кечмәк вә онун ордусуна дәстәк вермәк үчүн јени өһдәликләр ҝөтүрүбләр”, дејә Остин билдириб.
342/
25 may 2022 - 17:45
Xəbər kodu: 1260881
Русија ордусунун јени һүҹумлара башламасы Украјна рәһбәрини ваһимәјә салыб.
